اجوکے پنجاب تے پنجابی قوم نوں پیش پئی ہر مصیبت دے ہر عذاب تے ہر مسئلے دے زمہ دار مفادپرست،پنجاب فروش ،غدار، موقع پرست ،منافق تے جھوٹے پنجابی حاکم طبقات ہین ۔ تے اپنیاں اولاداں نوں پنجاب وچ کرپشن تے لٹ مارے دے ذریعے امریکہ کینیڈا،انگلینڈ یا یونورسٹیاں دے کالجاں وچ پڑھان والے تے مغربی مفادات دے راکھے پنجاب دے حاکم طبقے ریاستی طاقت نال پنجاب وچ ہر تبدیلی نوں ڈکدے نیں .پنجاب دے وسائل لٹن لئی کدی نہ مکن والی لٹ مار چلدی رکھن لئی پنجاب وچ عوامی مفاد وچ پنجابی اکثریت تے غریب پنجابیاں دی حالت بہتر بناون والی ہر تبدیلی ،ہر کوشش،ہر قدم نوں اردو قومی زبان ،اسلام ،پاکستان ،امہ ، قومی مفاد دی بندوق چا کے کے ڈک دیندے نیں ۔

پنجاب دی تقسیم در تقسیم ،پنجابی زبان دا قتل ، مردم شماریاں وچ پنجابی اکثریت دی زبان بدل اہناں نوں غیرپنجابی بناون دی سازش، پنجاب دی اڑدوائیزیشن دے ذریعے پنجابی قوم دی نسلی لسانی نسل کشی ،جاگیرداری ،گدی نشینی ، سرداری ، بے روزگاری ،ان پڑھتا ،جہالت ،پسماندگی ، غربت دا ذمہ دار بالا دست پنجابی طبقہ ،پنجابی حاکم تے جنوبی پنجاب دا ،جاگیرداری ،گدی نشینی ، سرداری ، بیوروکریسی ، عوامی نمائندہ ،سیاستدان تے پنجاب دی قومی وحدت تے سالمیت اُتے حملہ آور پاکستانی سیاسی پارٹیاں ہین ۔

پنجاب دی مادری زبان پنجابی اُتے پنجاب دی مڈھلی ،تعلیمی،سرکاری،عدالتی تے پارلیمانی زبان بنن اتے لگی سرکاری پابندی نوں پونیاں دو صدیاں ہو چکیاں ہین ۔ پنجاب دی ہر گذری تے موجودہ حکومت پنجاب پنجابی زبان دا آئینی ،قانونی حق غصب کیتا۔ پنجاب سرکار بارہ کروڑ پنجابی بولن والی اکثریتی آبادی دی ماں بولی بدلن تے ایدی نسلی،لسانی نسل کشی دے جرماں دی سدھی سانویں ذمہ دارہے۔

ووٹنگ ،لابنگ، پیٹیشنز،احتجاج دے سارے روائیتی طریقے پنجاب وچ تبدیلی لیان لئی ناکام ہوچکے ہیں کیوں کہ تخت لہور اُتے قبضہ کیتی بیٹھے پنجاب دشمن ،پنجابی دشمن ،عوام دشمن ، انسان دشمن ،تبدیلی دے دشمن جھوٹے پنجابی حاکم تے طاقتور سیاسی معاشی مفادات پنجاب وچ ہوون والی ہر تبدیلی دے ہرعمل دےاصل دشمن ہین اہنوں ڈکدے ہین ۔ کہ ایدے وچ اہناں دی موت ہے کہ ایہ پنجاب نوں پونیاں دوصدیاں توں لُٹ کے کھا رہے نیں ۔ ایسے وجہ توں پنجاب دے جرمنی ،کنییڈا وانگ اک فلاحی صوبہ بنن دے سارے رستے ہمیشہ لئی بند ہوچکے ہیں یا کردتے گئے ہیں ۔ ایس لئی ساڈی حکمت عملی عدم تشدد دی راہ اُتےٹردیاں پنجاب دی ونڈ ڈکن ،پنجابی زبان داغصب شدہ آئینی قانونی جمہوری حق بحال کروان تے پنجاب وچ اک مڈھلے ،انقلابی سیاسی ،معاشی ،جمہوری ،ثقافتی انقلاب تے تبدیلی ساڈا نظریہ ،ساڈا مشن تے ساڈی قومی تحریک ہے ۔

پنجاب دے جھوٹے پنجابی حاکماں دی پنجاب فروشی ،لٹ مار تے پنجاب نال غداری دے خلاف ،پنجاب اُتے پونی دوصدیاں توں چلدی نسلی لسانی غلامی استحصالدے خلاف ،سٹیٹ کو دے خلاف جاگیرداری تے جاگیردارانہ پتھر دور دی زہنیت دئ خلاف پنجابی قوم نوں پچھڑیا رکھن تے پنجابی نوجواناں نوں اڑدو میـڈیم بنا کے بھکا تے بے روزگا رکھن والے ، پنجاب تے پنجابیاں دے خلاف نفرت دا پرچار کرن والیاں ،پنجابیاں اپنیاں علاقیاں وچ بے دخل کرن والے نسلی دہشت گرداں دے خلاف ،پنجاب زبان دے قاتلاں دے خلاف ،پنجاب دی سازش کرن والے غیرمقامی پناہگیراں دے خلاف ساڈا اعلان جنگ ہے ۔

پنجاب دی زراعت تے میعشت دی تباہی ،جدیدیت ،سائینس ،ٹیکنالوجی ، آئی ٹی ،وپار،کارویہار ول جاندا ہر راہ ترقی وال جاندا ہر راہ استحصالی ،ظالم عوام دشمن ،پنجاب دشمن ،ماں بولی دے دشمن پنجاب فروش ،غدار جھوٹے چورتے ڈاکو پنجابی حاکماں ہمیشہ لئی بند کردتا ہے ۔اہناں پنجاب نوں اک پلس سٹیسٹ تے لٹ مار دا اڈا بنا کھ رکھ دتا۔ پنجاب اُتے قبضہ کیتی بیٹھے پنجاب فروش پنجابی حاکماں نوں جیہڑے پنجاب دے قومی مفاد ہمیشہ ویچدے رہندے نیں سرنڈر کردے رہندے نیں اہناں کولوں پنجاب تے پنجابی قوم دی جان چھڈاون وچ ،پنجاب وچ مڈھلی انقلابی ،سیاسی ،سماجی ،جمہوری تے معاشی تبدیلی لئی اک تگڑی سیاسی تحریک،شُدھ پنجابی قوم پرست تحریک منظم کرن لئی , پنجاب وچ ثقافتی انقلاب لیان لئی ساڈی مدد کرسکدے او۔

ساڈے نال رلو سانوں تہاڈی ضرورت ہے ۔جے تسیں پاکستانی پنجابی او، پنجاب ، کراچی ،اندرون سندھ، ،بلوچستان ، کے پی کے ،آزاد کشمیر،گللگت بلتستان یا امریکہ ،کینیڈا،انگلینڈ یورپ کسے وی غیر ملک وچ رہندے وسدے ہوو،تہاڈے کول جِناں وی ویلا یا ویلھ ہووے تسیں پنجاب،پنجابی زبان تے پنجابی قوم دے حقاں لئی , پونی دو صدیاں توں چلدی نسلی ،لسانی ،ثقافتی استحصال تےغلامی ، بدنیتی،سازش دے تحت پنجاب دی تقسیم درتقسیم ڈکن لئی ، پنجابی اکثریت دی نسلی لسانی نسل کشی، پنجاب وچ ان پڑھتا،بے روزگاری مکاون وچ ، غصب شدہ آئینی قانونی انسانی جمہوری حقاں دی بحال لئی ،پنجاب وچ غیرپنجابیاں دی غیرقانونی ،جبری منظم آبادکاری ڈکن لئی ،پنجابی نوں پنجاب دی مڈھلی تعلیمی ،سرکاری ،عدالتی ،پارلیمانی زبان بناون لئی ،کراچی ،اندرون سندھ ،بلوچستان وچوں پنجابیاں دی جبری بے دخلی روکن لئی ، جنوبی پنجاب وچ جاگیرداری ،سرداری ، گدی نشینی مکاون لئی ، پنجاب دی دھرتی اُتے اک ناپاک نویں صوبے دی اوٹ وچ غیرمقامی ،ایسٹ انڈیا کمپنی دی باقیات سامراجی گماشے جاگیردراں ،سراداراں گدی نشیناں ، پنجاب دشمن ,غیرمقامی نسلی،لسانی دہشت گرداں ،پناہگیراں دی پنجاب دے وسائل ،پنجاب دی دھرتی ، پنجاب دے ٹوٹے کرکے ادھے پنجاب اُتے قبضہ کرن دی پنجند، دریائے پنجاب (انڈس دریا) ، دودریانواں ، پنجاب دے پانیاں اُتے قبضے دی گھناونی سازش دی جڑ مارن لئی اک تگڑی پنجابی قومی تحریک بناون وچ تسیں ساڈی مددکرسکدے او۔

پنجاب ،پنجابی زبان،پنجابی کلچر،پنجابی قوم پاکستان بنن مگروں جیہڑیاں خطریاں وچ ولے پئے ہین ،پنجاب وچ کانگاں ،ہڑاں ،سخت موسمی تبدیلیاں ہتھوں ہوون والی تباہی ،جنگلاں ،رُکھا دا غائب ہونا، زراعت،فصلاں ،کساناں دی تباہی،پنجابی لکھ توں ودھ اڑدو میڈیم پنجابی منڈیاں کڑُیاں دی بے روزگاری ،ٹیکنیکل ،آئی ٹی تے پنجابی دے نال نال انگریزی تعلیم نہ ہوون تے پنجابیاں دے اڑدو میڈیم ہوون دی وجہ توں بے روزگاری ،جہالت ،معاشی ،فکری تباہی بربادی پنجاب وچ غیر پنجابیاں دی منظم آبادی کاری ،مردم شماریاں وچ زبان بدلن دی ،پنجابی اکثریت نوں اردو بولن والی آبادی وچ بدلن لئی ریاست ہتھوں ہوون والی نسلی لسانی نسل کشی ،پنجاب وچ سیاسی عدم استحکام ، لُٹ مار، کرپشن ، ظلم جرم ،عورتاں تے بالاں اُتے ظلم روکن لئی ، پاکستانی سیاسی پارٹیاں دی پنجاب دی ونڈ دی غیرقانونی ،غیرآئینی ،غیر فطری تے مجرمانہ ونڈ پنجاب وچ جلسیاں وچ پنجاب اسمبلی ،قومی اسمبلی تے سینٹ وچ تے غیرپنجابی ،پنجاب دشمن نسل پرست سیاستداناں دی تے اڑدو میڈیا کھلم کھلا غنڈہ گردی ،بدماشی تے دہشت گردی نوں ڈکن لئی تسیں پنجابی لینگوئج موومنٹ وچ شامل ہوکے بحیثیت پنجابی اپنا قومی ،جنمی فرض نبھاو۔

پنجابی لینگوئج موومنٹ وچ شامل ہوون مگروں تہاڈیاں عملی ذمہ داریاں کیہ ہین ؟

ایہ ویکھو کہ تہاڈے علاقے وچ پنجابی ،غیرپنجابی سیاستدان ،پناہگیر، اڑدو میڈیا ،سیاسی پارٹیاں ،اہناں پارٹیاں دے لیڈر،این جی اوز، غیر مقامی پناہگیرسیٹلرز، پنجاب دی ونڈ دی سازش کرن والے سندھ ،بلوچستان ،سرحد، افغانستان تے ہندوستان دے پنجابی نہ بولن والے تے اپنے آپ نوں پنجابی نہ منن والے پنجاب دشمن غدارپنجاب،پنجابی زبان ،پنجابی قوم تے پنجابی کلچردے کلاف کیہ سازشاں تے کاروائیاں کررہے نیں تے تسیں اہناں نوں اپنے ساتھیاں نال رل کے کسراں اپنے علاقے وچ ڈک سکدے او۔

اپنی برادری نوں پنجاب تے پنجابی نال جوڑو، اپنے علاقے دے لوکاں نال جڑو۔عوامی پدھر تے تحریک نوں منظم کرن لئی اپنے ڈویژن ،ضلعے ،تحصیل ،قصبے ،پنڈ ،گراں وچ ،سکولاں ،کالجاں ،یونیورسٹیاں ،کساناں ،عورتاں ، مزدوراں ، وکیلاں ، لکھاریاں ،دانشوراں ، شاعراں نال رابطے کرکے تحریک تحریک دے چیپٹرز یا ونگز منظم کرو۔ آپ وی ممبربنو ممبربناو تے اپنے علاقے دے لیڈر تے آگو بن کے عوام دی رہنمائی لئی کارنر میٹنگز تے ثقافتی اکٹھ کرو۔اپنا مقامی گروپ بناکے اوس گروپ بارے مکمل تفصیل آن لائن سبمٹ کرو۔تے پنجابی لیگنوئج موومنٹ تے پنجاب بچاوتحریک کولوں اجازت نامہ لے کے اپنے علاقے تے ادارے وچ کم شروع کردیو۔

سانوں کسے وی شعبے وچ اپنی مہارت تے تجربے بارے بارے اگاہ کروتاں کہ اسیں تہانوں اسے حوالے اپنے علاقے وچ ذمہ داریاں دے سکئیے۔ ایسراں تسیں پنجابی لینگوئج موومنٹ تے پنجاب بچاوتحریک نوں علاقائی تے قومی پدھر اُتے تحریک دے چیپٹرز یا ونگز منظم کرن وچمنظم کرن اگانہہ ودھان وچ سارے پنجاب نوں ایس تحریلنال جوڑن وچ اپنی تاریخی ذمہ داری ،اپنا کردار تے اپنی قومی ذمہ داری نبھا سکدے او۔

تسیں اپ ڈیٹس تے خبراں لئی ساڈے نال رابطے وچ رہوتسیں تحریک نوں عطیہ یا ڈونیشن دے کے وی تحریک دی مدد کرسکدے او۔پنجابی لینگوئج موومنٹ تے پنجاب بچاو تحریک دیاں منگاں ،اغراض و مقاصد نوں سمجھن لئی جانکاری لئی تسیں ایس ویب سائٹ اتے پنجابی زبان تحریک دا ایجنڈہ ضرور پڑھو جے کوئی سوال ہووے تے سانوں ضرور پچھو،اسیں تہاڈے ہر سوال دا جواب دین دی کوشش کراں گے ۔

(چوہدری نظیر کہوٹ ،موڈھی پنجابی لینگوئج موومنٹ(پنجابی زبان تحریک ،چیف آرگنائیزر پنجاب بچاو تحریک)