“پی ٹی آئی ، پی پی ، ن لیگ ،ق لیگ پنجاب دی سالمیت قومی وحدت اُتے حملہ آور ہین ۔پنجاب دے خلاف سیاسی دہشت گردی کررہیاں نیں .پنجاب اُتےوزیراعلی پرویز الہی/پنجاب اسمبلی دا لاگو کیتا ماں بولی دا قاتل کالا قانون”اردو لینگوئج ایکٹ 2022″پنجاب وچ پنجابی زبان دے کفن دفن , پنجاب دی زبان بدل کے اردو کرن,پنجابیاں دی نسل بدل کے اردو بولن والے لکھنوی تے ہندوستانی کرن تےریاست دی نگرانی ہیٹھ پنجابی اکثریت دی نسلی لسانی نسل کشی دا پکا پکا سرکاری بندوبست ہے”
مادری زبان کا قاتل، غیر قانونی اور غیر آئینی کالا قانون
“Urdu Language Act-2022، جسے پنجاب اسمبلی میں موجود اپنی مادری زبان پنجابی سے نفرت کرنیوالے پی ٹی آئی ۔ن لیگ،ق لیگ، پی پی وغیرہ کے پنجاب کے غداراراکین اسمبلی نے نے مشترکہ طور پر منظور 16 نومبر 2022 کو منظور کیا تھا، اسے فوری طور پر منسوخ کرنے کی ضرورت ہے۔مادری زبان کے قتل، غیر قانونی اور غیر آئینی اردو زبان ایکٹ 2022 کے لیے پنجاب میں کوئی جگہ نہیں، جسے 16 نومبر 2022 کو غدار پنجاب اسمبلی، اس کے مادری زبان سے نفرت کرنے والے اراکین اور پنجاب حکومت نے منظور کیا تھا۔ کچھ بھی ہو یہ بالکل ناقابل قبول ہے۔مادری زبان کا قاتل کالا قانون اردو لینگوئج ایکٹ ایکٹ 2022 کے نام سے جانا جاتا ہے۔ پنجاب بھر میں اس کی شدید مخالفت، احتجاج اور جلاؤ گھیراؤ کیا جائے گا۔ پنجابی لینگویج موومنٹ کا احتجاج اس وقت تک جاری رہے گا جب تک پنجاب اسمبلی قاتل قانون کو پنجابی لینگویج ایکٹ سے منسوخ نہیں کر دیتی۔

ایسٹ انڈیا کمپنی دی باقیات ,بغدادی پناہگیر سابق وزیراعظم یوسف رضا گیلانی تے پی پی دی وفاتی حکومت نے سرئیکی زبان دی ترویج و ترقی لئی پچھتر کروڑ روپیہ قومی خزانے چوں دتا کہ سندھ وچ بولی جان والی اک زبان دے نوں جنوبی پنجاب دی بان بنا کے پنجاب وچ پنجابی زبان دا راہ ڈکیا جا سکے تے پنجاب دے جنوبی علاقیاں نوں نوں سندھ تے سندھی ثقافت نال نیلی اجرک دے ذریعے جوڑیا جاسکے. جنوبی پنجاب صوبہ بنا کے ادھے پنجاب اُتے قبضہ کیتا جا سکے .پر پنجابی حاکم نواز شریف،شہباز شریف،چوہدری پرویز الہی پنجاب نال غداری کردیاں پنجاب دی ونڈتے نام نہاد جنوبی پنجاب صوبہ تے اردو زبان دی ترقی دیاں قرارداداں منظورکرواندے تے پنجابی زبان نوں جُتی اُتے رکھدے نیں ۔
دوجے پاسے بلوچ جنوبی پنجاب اُتے قبضہ کرکے اہنوں بلوچستان دا حصہ بناون لئی جنوبی پنجاب صوبہ دی تحریک چلا رہے نیں ۔ایم کیوایم کراچی صوبہ لئی جنوبی پنجاب صوبہ نوں سپورٹ کررہی ہے ۔

پی ٹی آئی جنوبی پنجاب صوبہ سیکرٹرئیٹ بنا کے عمران خان پنجاب دی ونڈدی سازش کرکے پنجابیاں دے مونہہ اُتے جُتی ماری ۔ عمران خان پنجاب نوں وڈھ ٹک کے چھوٹاکرن تے خیبرپختونخواہ نوں دا رقبہ علاقہ تے جغرافیہ ودھ کے گریٹر پشتونستان میانوالی اٹک تے جہلم تک لیان داتے شیرشاہ سوری دی ڈاکٹرائن اُتے عمل کردیاں سارے پنجاب وچ افٖغانیاں تے پشتوناں دی آبادکاری لئی اپنی حکومت وچ ہرطرح دیاں سہولتاں دتیاں تے ایدے لئی پنجاب وچ ڈومیسائل دی پابندی وی ختم کردتی ۔

پی ٹی آئی ، پی پی ، ن لیگ ،ق لیگ چارے پنجاب دشمن پارٹیاں کرسی دی بھکھ وچ ہلکیاں ہوئیاں پنجاب دی سالمیت قومی وحدت اُتے حملہ آور ہین ۔تے چاراں پارٹیاں نے پنجاب اسمبلی قومی اسمبلی تے سینیٹ وچ پنجاب نوں چیرن پاڑن تے ایدے دو دو تن تن صوبے بناون دیاں قرارداداں جمع کروارکھیاں نیں ۔ایہ سارے ثابت شدہ پنجاب دشمن ہین ۔

پی ٹی آئی ، پی پی ، ن لیگ ،ق لیگ اہناں دا ایجنڈہ پنجاب تےپنجابی زبان دا قتل ہے تے پنجابی زبان و ثقافت دی نوں زندہ رکھن دی تھاں اہدے کفن دفن لئی سرکاری فنڈنگ ورت رہیاں نیں پنجاب دے خلاف نسلی لسانی ثقافتی سیاسی دہشت گردی کررہیاں نیں. پی ٹی آئی ، پی پی ، ن لیگ ،ق لیگ پنجاب دشمن پارٹیاں دی پنجاب وچ جڑمارے بنا پنجاب تے پنجابی زبان نہیں بچ سکدے ۔ اہناں پنجاب دشمن پارٹیاں دا وجود پنجاب وچوں مٹان لئی سانوں تحریک شروع کرنی پینی نہیں تے ایہ پنجاب،پنجابی زبان کلچرتے پنجابی قوم دا ناں نشان وی مٹا دین گیاں۔
پنجاب وچ ماں بولی دا قاتل ,وچ لاگو کیتا غیرقانونی ،غیرآئینی کالا قانون اڑدو لینگوئج ایکٹ 2022 فوری طورتے ختم کرو.جے وزیر اعلی چوہدری پرویز الہی تے پنجاب اسمبلی ، ن لیگ،پی پی ،پی ٹی آئی تے ق لیگ نے ماں بولی دا قاتل کالا قانون اڑدو لینگوئج ایکٹ 2022 فوری طور تے منسوخ کرکے ایدی تھاں پنجابی لینگوئج ایکٹ منظور نہ کیتا تے پنجابی لینگوئج موومنٹ (پنجابی زبان تحریک ) تے پنجاب بچاوتحریک اہدے خلاف عوامی پدھر اُتے احتجاج کرن گے ۔ایہ کالا قانون ختم کروان لئی جو وس پیاں کراں گے جدوں تائیں کالا قانون نہ ہٹایا۔ساڈا احتجاج وی اودوں تائیں نہیں رکنا۔ تے نتیجے دی ذمہ دار وی پنجاب حکومت تے وفاتی حکومت ہوسی۔

پنجابی لینگوئج اتھارٹی قائم کرو۔ پنجابی لینگوئج کمشنرمقررکرو تے پنجاب دے سارے سرکاری اڑدو میڈیم نوں پنجابی میڈیم سکولاں وچ بدلو۔ اڑدو پنجاب وچ اک باہری زبان ہے ۔پنجاب دی زبان پنجابی ہے ۔پنجاب نوں صرف تن زباناں دی ضرورت ہے ۔پہلی پنجابی جیہڑی کہ پنجاب دی مڈھللی تعلیمی سرکاری عدالتی پارلیمانی زبان ہووے ۔ انگریزی جدید علماں ،سائنس،ٹیکنالوجی ،آئی ٹی ،ٹیکنکل تعلیم کل عالم نال کارویہار تے باقی دنیا نال جڑے رہن لئی لازمی انگریزی تے پنجابی مسلماناں دی مذہبی زبان دے طور تے عربی ۔اہناں تن زباناں توں اڈ پنجاب نوں کسے چوتھی زبان دی ضرورت ہی کوئی نہیں ۔ ایسٹ انڈیا کمپنی تے ۲۹ مارچ ۱۸۴۹وچ پنجاب اُتے قبضے توں پہلاں اتھے اڑدو دا ناں نشان ہی کوئی ناہی ۔ پنجاب وچ اڑدو اک غاصب زبان ہے جنہے پنجابی دا آئینی قانونی جمہوری حق پنجاب دے خلاف ریاست دی نسلی لسانی دہشت گردی تے نسل کشی دے ذریعے اک سو پچھتر سالاں توں غصب کررکھیا۔ایس لئی پنجاب اُتے اڑدو لینگوئج ایکٹ غیرقانونی تے غیرآئینی طور تے لاگو کیتا گیا ۔اہنوں فوری طور تے ختم کرکے اہدی تھان پنجابی لینگوئج ایکٹ پنجاب وچ لاگو کیتا جائے نہیں تے ردعمل دے نتیجے دی ذمہ دار پنجاب حکومت تے ریاست ہوسی ۔

چوہدری نظیر کہوٹ
کنوینر پنجابی لینگوئج موومنٹ (پنجابی زبان تحریک)
چیف آرگنائیز پنجاب بچاوتحریک