پنجابی قوم پرست تحریک ،پنجابی زبان تحریک تے پنجاب دی ونڈ دے خلاف تحریک مزاحمت ے موڈھی جدید پنجابی قوم پرستی ، پنجابی قوم پرست تحریک ،پنجابی لینگوئج موومنٹ تے پنجاب دی ونڈ دے خلاف تحریک مزاحمت دے موڈھی نظیرکہوٹ نال ملو نظیرکہوٹ 26 دسمبر ۱1956 وچ  شاہ پور ضلع سرگودھا وچ جہلم دریا دے کنڈھے اُتے وسدے اک پنڈ ڈُھڈیاں وچ  جٹاں دے اک کہوٹ قبیلے وچ جمے ۔ کہوٹ پچھوں چکوال دے ہن تے پنڈی وچ تحصیل کہوٹہ ای کہوٹاں دا وسایا قصبہ ہے ۔   پنجاب دے پوٹھوہاری پنجابی علاقے وچ موجود  قلعہ روات دی جنگ وچ کہوٹ قبیلہ  نواب سارنگ گھکڑدے نال ہوکے  افغانی حملہ آور شیرشاہ سوری دے خلاف لڑیا۔  جہدے وچ افغانیاں دے خلاف جنگ وچ پنجابی  سلطان سارنگ خان تے اہناں دے سولہ پتراں دی شہادت مگروں ایس علاقے وچ شیرشاہ سوری تے اہدے افغانی فوجیاں کہوٹاں دا وی قتلام کیتا۔ جہدے کارن کہوٹاں دی اک وڈی گنتری کہوٹہ ،چکوال پوٹھوہارریجن دے علاقیاں وچوں صدیاں پہلاں نقل مکانی کرکے جہلم دریا دے کنڈھے  اُتے آکے آباد ہوئے تے اہناں اتھے کہوٹ  تے ڈُھڈیاں دے ناں دے دو پنڈ وسائے۔ کہوٹ جٹ ہوندے نیں تے  سپہ گری دے نال نال زمینداری ،واہی بیجی ،زراعت اہناں دا قدیمی پیشہ ہے ۔ گورے کہوٹاں ایک وڈی گنتری یورپ،کینیڈا ،امریکہ تے  انگلستان وچ وی وسدی ہے ۔  ایہ گل تحقیق طلب ہے کہ کہوٹ پنچاندا (پنجاب) وچوں یورپ گئے یا فیر یورپین کہوٹاں دا کوئی قبیلہ چھ ہزار سال پہلاں پنجاب وچ  آکے وس پیا ایہ گل تحقیق طلب ہے ۔

نظیرکہوٹ نے1990 دی دہاکے وچ پنجاب دی مجرمانہ ،غیرآئینی ،غیرقانونی سازشی ونڈ دے خلاف تحریک مزاحمت دی بنیاد رکھی تے “پنجاب بچاو تحریک” دے چیف آرگنائیزر وی ہیں. پنجاب،پنجابی زبان و ثقافت تے پنجابی قوم دے آئینی ،قانونی ،جمہوری ،انسانی حقاں دی سیاسی تحریک تے پنجابی قوم پرستی دے فکری،نظریاتی اظہار دی تحریک کراچی وچ 1990دے دہاکے وچ اہناں باقاعدہ اک سیاسی تنظیم “پنجابی لوک سیوا “قائم کرکے ، پنجابی قوم پرست تحریک دا مڈھ بنھن والی کتاب “آوپنجابی کو قتل کریں” لکھ شروع کیتی ۔دوایوارڈ یافتہ پنجابی ناولاں “دریا برد” تے “واہگا” دے تخلیق کار وی ہین تے پنجابی کہانیکار وی ہین ۔ پنجاب ،پنجابی کاز تے پنجابی تحریک نوں ہلا شیری دین لئی اہناں کراچی توں نوے دے دہاکے وچ مہینہ وار جینئیس کراچی تن زباناں پنجابی انگریزی اردو وچ چھاپنا شروع کیتا جہدے او ایڈیٹر تے پبلشر وی سن. نظیر کہوٹ “پنجابی نیشنل کانفرنس2009 “تے “پنجابی لینگوئج موومنٹ” (پنجابی زبان تحریک ) 2010 دے موڈھی ہین تے ۔ سوشل میڈیا اتے پنجابی قوم پرست تحریک تے پنجاب ،پنجابی تے پنجابیت دے دی تحریک وی سب توں پہلاں اہناں ہی2009 وچ نظیر کہوٹ نے ہی شروع کیتی ۔ماں بولی عالمی دیہاڑ،پنجابی کلچرل ڈے (پہلی وساکھ) 2011 تے “29دسمبر پنجاب دا کالا دیہاڑ” وی اہناں ہی شروع کیتا ۔ “پنجاب اول پنجاب آخر”دا نعرہ لا کے پنجاب تے پنجابی دا جھنڈا چا کے “میرا جینا مرنا پنجاب لئی ہے “دی راہ اتے ٹردیاں ساری حیاتی پنجاب،پنجابی زبان ،پنجابی ثقافت تے پنجابی قوم دے حقاں دی بحالی دی جدوجہد وچ گذاری. پنجاب دی ونڈ دے خلاف اج توں پینتی سال پہلاں تحریک شروع کیتی ایہ نعرہ لا کے “کوئی مرے یا جیوے پنجاب دی ونڈ منظور نہیں” ۔ تے “موت منظور ہے پر پنجاب دی ونڈ منظور نہیں “۔ایس لئی نظیر کہوٹ نوں جدید پنجابی قوم پرستی دا موڈھی یا بانی سمجھیا جاندا۔