مترو میں ہاں نظیر کہوٹ . ایس بارے کسے نوں کوئی مظالطہ نہیں ہونا چاہی دا کہ پنجاب دی پچانوے فیصد آبادی دی ماں بولی پنجابی ہے ۔ پنجاب پنجابی بولن والی اکثریت دا قومی دیس تے اک ناقابل تقسیم نسلی ،لسانی ،ثقافتی ،اتنظامی تے قومی وحدت ہے ۔ پنجاب دی ماں بولی اڑدو نہیں پنجابی ہے ۔ پنجاب تے پنجاب دی تیرہ کروڑ آبادی نوں دنیا دے نقشے اتے قائم دائم رہن لئی لازمی پنجابی تے عالمی زبان انگریزی توں اڈ کسے تریجی زبان دی کوئی ضرورت نہیں
۔ پرتسیں عربی نوں پنجابی مسلماناں دی مذہبی زبان ہوون دی وجہ توں اختیاری زبان دے طور تے پڑھا سکدے او۔پنجاب دی زبان بدل کے پنجابیاں دی نسل تے پنجاب دی تاریخ تے جٖغرافیہ بدلن تے پنجابی اکثریت دی نسلی لسانی ثقافتی نسل کشی تے پنجابی اکثریت دے خلاف پونی دوصدیاں توں چلدی لسانی دہشت گردی ہن بند جانی چاہی دی۔پنجابی اکثریت نوں فراڈ مردم شماریاں راہیں تے پنجابی زبان دے لہجیاں نوں وکھریاں زباناں بنا کے جعلی زباناں،جعلی ثقافتاں ،جعلی قومیتاں فراڈ تہذیباں گھڑ کے گھڑکے اہناں دی اوٹ وچ پنجابیاں نال دھوکا کرکے صوبے بناون پنجاب دی تقسیم در تقسیم تے ادھے پنجاب اتے قبضہ کرن دی سازش نوں ہن ڈکو دیو۔ تے پنجابی زبان دا آئینی قانونی حق غصب کرکے پنجاب نوں تقسیم در تقسیم کرکے ختم کرن تے پنجابی اکثریت نوں اقلیت وچ بدلن تے ریڈ انڈین بناون دے گھناونے جرم تے پنجابی قوم دے مڈھلے آئینی ،قانونی ،انسانی ،جمہوری تے جماندرو حقاں نوں غصب کرن دانفرت بھریاعمل Criminalized ACT فوری طور تے ڈک دتا جاوے نہیں تے ایہدا ردعمل پنجابvich ہونا تے نتیجے دے ذمہ دار پنجابی زبان دا حق غصب کرن والے تے پنجاب دی ونڈ دیاں سازشاں کرن والے پنجاب دشمن ہوسن ۔

میں اکی فروری ۲۰۲۲ نوں سارے پنجاب وچ عالمی ماں بولی دیہاڑ نوں پنجابی زبان دے غصب شدہ آئینی قانونی انسانی جمہوری تے جماندرو حقاں دی بحالی لئی ہوون والے احتجاجی دیہاڑ دے طور تے منانا Walian ساریاں پنجابی تنظیماں اگے پنجابی لینگوئج موومنٹ ولوں تے پنجاب بچاو تحریک ولوں پنجابی زبان دے ست قانوناں دی قرارداد پاس کرن تے مشورے لئی پنجابی زبان دے حقاں دا چارٹر آف پنجابی لینگوئج رائٹس رکھ رہیاں ۔ پنجاب سرکار تے پنجاب اسمبلی تیرہ کروڑ دی پنجابی بولن والی آبادی دی ماں بولی دے غصب شدہ آئینی تے قانونی حق بحال کرن لئی تے پنجاب اسمبلی پنجابی زبان نوں پنجاب دی مڈھلی تعلیمی سرکاری،عدالتی ،پارلیمانی زبان بناون لئی اپنی آئینی تے قانونی ذمہ داری پوری کرن تے ایہ ست قانون بناون تے بل پاس کرن ۔

پنجابی لینگوئج ایکٹ پاس کرو
پنجابی لینگوئج اتھارٹی قائم کرو
چارٹر آف پنجابی لینگوئج دا قانون بناو
پنجاب وچ لینگوئج کمشنر دا ادارہ قائم کرو
پنجابی یونیورسٹی،پنجابی ٹیکسٹ بک بورڈ سنے پنجابی دے ودھاوے لئی ادارے قائم کرو تے وکھرابجٹ رکھو۔
پنجاب وچ پرائمری توں لے کے یونیورسٹی تائیں سارے سرکاری تعلیمی اداریاں وچ اردو ذریعہ تعلیم نوں ختم کرکے
پنجابی نوں ذریعہ تعلیم دا حکم دیو۔
پنجاب دی لسانی یاانتظامی کسےوی قسم دی ونڈ ڈکن لئی پنجاب اسمبلی وچ بل پاس کرو۔قانون بناو پنجاب نہیں جاگیراں
ونڈو۔پنجاب نوں نہیں لٹ مار دانظام مکاو۔
میری ساریاں پنجابی تنظیماں تے اہناں دے آگواں تے پنجابی قوم پرستاں سوجھواناں نوں درخواست ہے کہ پنجابی زبان
دے حقاں دے ایس چارٹر نوں اپنیاں سانجھیاں تے متفقہ منگاں یا چارٹر دا حصہ بنا دین ۔