اڑدو پنجاب وچ اک غاصب زبان ہے ،جنہے 175 سالاں توں پنجاب وچ پنجابی زبان دا آئینی ،قانونی ،جمہوری،جماندرو حق غصب کررکھیا۔پنجاب وچ اڑدو نوں ختم کرکے صرف تن زباناں (1)پنجابی ۔تعلیمی ،سرکاری،عدالتی ،پارلیمانی زبان ،(2)انگریزی سائنس،ٹیکنالوجی ،آئی ٹی ،جدیدیت تے دنیا نال پنجاب دے مقابلے لئی (3)تےعربی پنجابی مسلماناں دی مذہبی زبان دے طور تے پنجاب وچ لاگوکرو۔ اڑدو اک باہری،غیرتے غاصب زبان ہے جنہوں ایسٹ انڈیا کمپنی نے پنجاب وچ 29 مارچ 1849 نوں لاگو کرکے پنجاب دی تعلیمی تے مادری زبان نوں بدل دتا۔ ایس توں پہلاں پنجاب وچ اڑدو دا ناں نشان وی کوئی ناہی۔

مسلم لیگ تے یوپی والیاں نے مذپب دا ہتھیار ورت کے پنجابی مسلماناں دی مادری زبان پنجابی نوں سکھاں دی تے غیرمسلم زبان تےاڑدو نوں مسلماناں دی قرار دے کے پنجابیاں دے دلاں ذہناں وچ اہناں دی اپنی ہی مادری زبان دے خلاف نفرت دا زہر بھریا۔ پنجابی نوں پنجابوں دیس نکالا دے کے اتھے پاکستان بنن مگروں یوپی دے پاکستانی غیرپنجابی حاکماں نے اڑدو نوں لاگوکرکے ،پنجابی دے لہیجاں نوں وکھریاں زباناں بنا کے تے پنجابی نوں اڑدو تے سرئیکی دے زریعے دبا کے فراڈ مردم شماریاں راہیں پنجاب دی زبان تے پنجابیاں دی نسل بدل دتی۔

پاکستانی ریاست وی سامراجی ایسٹ انڈیا کمپنی وانگ پنجابی زبان دا حق غصب کرکے پنجاب دی زبان بدل کے پنجابیاں دی نسل بدلن دے نسلی لسانی نسل کشی تے پنجاب دے خلاف ریاستی لسانی تے ثقافتی دہشت گردی دے جرم کررہی ,ذمہ دار ہے جیہڑی کہ انسانی حقوق تے پاکستان تے آئین دی خلاف ورزی قانونی شکنی تے آئین شکنی ہے ۔ پنجاب و چ اڑدو پنجابی لسانی تنازعہ موجود ہے ۔

پنجاب گورنمنٹ پنجاب اسمبلی نے پنجابی زبان دا ماں بولی دا قاتل اڑدو لینگوئج ایکٹ 2022 پنجاب وچ لاگو کرکے اک غیرآینی غیرقانونی کم کیتا اک جرم کیتا ہے پنجابی زبان دا قتل کیتا ہے ۔آئین شکنی کیتی ،قانونی شکنی کیتی ،پنجاب نال ،ماں بولی نال غداری کیتی ۔ پنجاب دی زبان تے پنجابیاں دی نسل بدلن دا ناقابل معافی جرم کیتا۔ پنجابی دی تھاں اڑدو نوں پنجاب وچ ذریعہ تعلیم بنا کے آئین قانون تے انسانی حقاں دی خلاف ورزی کیتی ہے ۔پنجاب سرکار پنجابی زبان دا ماں بولی دا قاتل اڑدو لینگوئج ایکٹ2022 فوری طور تے واپس لوے تے اہدی تھاں پنجابی لینگوئج ایکٹ 2023 منظور کرے.نہیں تے اہدے خلاف کہوٹ دا تے پنجابی لینگوئج موومنٹ(پنجابی زبان تحریک ) تے پنجاب بچاوتحریک دا اج توں اعلان جنگ ہے ۔ جان جاندی تے جاوے پر ماں بولی تے دھرتی ماں نہ جاوے ۔پنجاب وچ اڑدو نامنظور،پنجاب دی ونڈ نامنظور۔

پنجاب گورنمنٹ پنجاب اسمبلی پنجابی لئنگوئج اتھارٹی قائم کرے ۔پنجابی لینگوئج کمشنر داادارہ قائم کرے ۔پنجاب سرکار تے پاکستانی ریاست پنجاب وچ اڑدو نوں ختم کرکے پنجابی نوں پنجاب دی مڈھلی تعلیمی سرکاری دفتری عدالتی تے پارلیمانی زبان بناوے فوری قانون سازی کرے ۔نہیں ردعمل ہوسی تے تے نتیجے دی ذمہ دار ہوسی ۔

ایہ نویں سال2023 دی کہوٹ دی پہلی پوسٹ ہے جے سمجھدے او کہ تسیں پنجابی او ,تے فیر اپنے شدھ پنجابی ہوون دا ثبوت دیو ۔جے تہاڈے وچ جرائت ہے تے ایہ پوسٹ اپنی وال اُتے لاکے ثابت کرو کہ تسیں سچے تے شدھ پنجابی او .جنہاں پنجابی تنظیماں ،پنجابی دانشوراں،لکھاریاں ،قوم پرستاں ،سیوکاں نوں میری گل نال اختلاف ہے او پنجابی نہیں ہین ۔او پنجاب پنجابی تحریک تے پنجابی قوم دے غدار ہین ۔اہناں دی پنجابی تحریک وچ موجودگی پنجابی دا ناں ورتن تے پنجابی تحریک دا پلیٹ فارم ورتن دی اُکا اجازت نہیں دتی جاسکدی او ساڈے وچوں نہیں ہین ۔سرئیکی پوٹھوہاری ،پنجابی امن مشاعرے کروان والے ،پنجابی دے ناں تے چندے کھان تے مال بناون والے ، پنجاب تے پنجابی توں نفرت دے اظہار دی علامت نیلے پٹے اپنے گاٹے وچ پاکے اگوں الٹا آکڑن پنجابی نہیں ہین پنجاب فروش تے غدار ہین۔ منافق ،مفادپرست،دکاندار تے پنجاب دشمن طاقتاں دے ایجنٹ ہین ۔ ہوکے پنجاب دا وسنیک, پنجاب دا کھا کے تےہوکے پنجابی اپنی ماں بولی پنجابی دے خلاف غیرزبان نال کھلوتا ہر بندہ پنجاب دا غدار ہے ۔

ماں بولی دھرتی ماں قوم اپنی نال جو کردا پیار نہیں

سب کجھ ہوسکدا پر اوغدار کسے دا یار نہیں وفادار نہیں

چوہدری نظیر کہوٹ

کنوینر پنجابی لینگوئج موومنٹ (پنجابی زبان تحریک)

چیف آرگنائیزر پنجاب بچاوتحریک