کراچی دے پنجابی پتراں دے ایس اکٹھ نوں ویکھ کے لگدا اے کہ کراچی دے پنجابی جاگ رہے نیں.جاگن والیاں نوں وارث شاہ انج یادکردا اے۔
اک رات دا جاگنا بہت اوکھا اک جاگدا دکھی بمار راتیں
یا جاگدا چور تے ٹھگ راتیں یا جاگدا پہریدار راتیں
یا جاگدا عشق دی رمز والا یا جاگدا یار دا یا راتیں
وارث میاں سبھ سوں جاندے بس جاگدا پروردگار راتی

ہر ویلے جاگدے رہنا رب دی سنت اے تے جیہڑے جھگے تے ڈیرے دے وارث تے راکھے جاگدے ہوون اوس جھگے تے ڈیرے نوں کدی سنھ نہیں لگدی۔تے جیہڑیاں قوماں جاگدیاں ہوون ویری ،دہشت گرد ، سامراجی ایجنٹ،غدار ،نسل پرست ، تے مفاد پرست اوہناں دی دھرتی دے نیڑیوں نہیں لنگھ سکدے۔
میرے ناول واہگا دا اک کردار اے’’ نیکا‘‘۔۔۔جیہڑا وارث ،شاہ بلھے شاہ تے رنجیت سنگھ دے ویلیاں وچ وسدا اے ۔اٹھارویں صدی وچ . اوہ دھاڑویاں نادر شاہ درنی تے احمد شاہ ابدالی دے لشکراں دے خلاف اپنے پنجاب دا راکھا بن کے لڑدا اے ۔جدوں دھاڑوی لشکر اوہدی دھرتی اپر پیر رکھدا اے دھاڑویاں نوں انج للکاردا اے:
’’بھوئیں دا ایہ ٹوٹا،اُتے وگدا دریا،بیڑیا گھوڑا تے بھری بندوق میری ہوند،ازادی تے خود مختاری دی ضمانت نیں۔جیہڑا میری جوہ ول ملوٹی اک نال تکے یاں زوری اوہدے وچ پیر رکھے اوہ میرا دشمن اے‘‘
اج کجھ ویری پنجاب دی جوہ وچ اک واری فیر پیر رکھن لگے نیں ۔جیہناں دا مقصد پنجاب نوں دنیا دے نقشے توں غیب کرنا اے ۔اج پنجاب دا وجود خطرے وچ پے چکیا اے کہ کجھ گمراہ لوک پنجاب دی اک ہور پارٹیشن تے ایدے کئی صوبے بناون دی ناپاک منگ کر رہے نیں۔اج صدیاں مگروں فیر اک نویں طرز دے دھاڑوی پنجاب اپر حملا آور ہوون لگے نیں۔اوہ کون نیں۔ایہ اوہ نیں جیہڑے پنجاب دے ٹوٹے کر کے ایدے وچوں اک نواں سرائیکی صوبہ بناونا چائوہندے نیں۔میرا سوال ایہ ہے کہ پنجاب دی ونڈ کیوں تے کہدے لئی؟
میں جو گل ہن کرن لگا ںاوہ بڑے دھیان نال سنن والی اے۔۔۔4 اگست 1947 نوں پنجاب دی ونڈ ہوئی جہدے وچ پندرہ لکھ معصوم پنجابیاں دا قتل عام یاں Holocaust ہویا۔اک لکھ مسلمان،سکھ تے ہندو ساریاں ای پنجابی عورتا ں سن اغوا ہویاں۔پنجھتر ہزار توں ودھ پنجابی عورتاں ریپ ہویاں۔اک لکھ توں ودھ معصوم پنجابی بال اغوا ہوے یاں قتل ہوے۔پنجاب اوس ویلے ہندوستان دا
سبھ توں وڈھ صوبہ سی پاکستان بنا ن لئی ایدے دو ٹوٹے کیتے گئے،۔ی وجہ توں پنجاب دی ابادی،رقبہ،وسائل ،تریخ تے جغرافیہ سبھ گھٹ گیا پنجاب دے ٹوٹے ہوئے تے پاکستان بنیا جے پنجاب اپنے ٹوٹے نہ کرواند تے پاکستان کدی نہیں سی بننا۔کیہ پنجاب دی پارٹیشن پنجابیاں نے پنجاب نوں غائب کرن ،ایدے ٹوٹے کرن لئی تے سرائیکی صوبہ بناون لئی کرائی۔جے پاکستان بنن توں پہلاں پنجاب وچ سرائیکی نہیں سی تے اج کدروں آ گیا پنجاب وچ کوئی سرائیکی بیلٹ ،کوئی سرائیکی علاقہ ، کوئی سرائیکی قومیت ،کوئی سرائیکی زبان نہیں اے ۔ملتان ۔ڈیرہ غازیخاں تے بہاولپور پنجاب دا اٹوٹ انگ نیں ۔ملتان اشوک دے زمانے توں پنجاب دا حصہ اے ۔جے پال دے ویلے ملتان اوہدی پنجابی سلطنت تے لہور دا حصہ سی۔ تے پچھلے دو سو سال توں وی جنوبی پنجاب سارے پنجاب دا حصہ اے ۔بہاولپور وی پنجابی زبان بولن والا علاقہ اے ایدے پنجاب توں الگ ہوون دا وی کوئی جواز نہیں۔ پنجاب اک لسانی صوبہ ہے ۔ جد کی دوجیاں صوبیاں وچ دو دو تن تن زباناں بولیاں جاندیاں نیں ۔ایدے وچ اک زبان بولن والی اک قوم وسدی ہے اوہنوں کوئی پنجابی آکھے یاں سرائیکی آکھے یاں کجھ ہور اوہنے رہنا پنجابی ہی اے ۔سگوں صوبہ سرحد دا ہزارہ ڈویژن تے ڈیرہ اسمائیل خان وی پنجابی بولن والے علاقے نیں اویناں دوہاں نوں وی سرحد نالوں کٹ کے پنجاب وچ شامل کیتا جائے ۔سرائیکی ہی اصل پنجابی زبان اے ۔کجھ لوک ڈاھڈی غلط فہمی دا شکار نیں تے گمراہ نیں جیہڑے سرائیکی نوں پنجابی زبان توں وکھری زبان آکھن دا جھوٹ بولدے نیں اوہ متعصب نیں منافق نیں تے ذاتی ایجنڈا رکھدے نیں ۔ تے سرائیکی نوں مڈھ بنا کے پنجاب دے ٹوٹے کرن تے سرائیکی صوبہ بناون دی منگ کردے نیں ایسے طرحاں جہنوں پوٹھوہاری علاقہ آکھیا جاندا اے اوہ وی پنجاب دا فطری تے قدرتی علاقہ تے آپ ہی پنجاب تے پنجابی علاقہ۔سرائیکی تے پوٹھوہار نوں پنجاب توں وکھرا آکھن والے جھوٹے نیں ۔ نارتھ تے ساوتھ پنجاب دے سینٹرل پنجاب توں وکھرے نسلی تے لسانی علاقے ہوون دا دعوی قبول نہیں ایہ دنیا دا سبھ توں وڈا جھوٹ اے۔پنجابی زبان دے اکتی لہجے نیں ۔لہجے بولیاں یاں زباناں کدی نہیں بن سکدے ۔اک ملتانی ،ریاستی،ڈیروی ، سرگودھوی ،جہلمی ،قصوری لہوری ، امرتسری ا،کشمیری ،ہندکو،جھنگوی ،میاں والوی ،پوٹھوہاری لہجے بولن والے ساریاں نوں اکٹھیاں بٹھا دتا جائے اوہ سارے اک دوجے نال بلا تکلف کمیونیکیٹ کرن گے ۔اوہناں نوں اک دوجے نال گل کرن لئی کسے ہور زبان یاں کسے ترجمان دی ضرورت ہوندی ۔ثابت ہویا کہ پنجابی سرائیکی وچ کوئی فرق نہیں (سرائیکی نوں ملتانی،ریاستی تے ڈیروی لجے نوں جوڑ کے گھڑیا گیا اے ۔ایناں تناں لہجیاں وچ وی فرق اے ۔بہاولپور کدی ملتان دا حصہ نہیں رہیا۔پر فیر وی پنجابی علاقہ ہے کہ اوہناں دی زبان (ریاستی لہجہ) وی پنجابی اے ۔ سرائیکی زبان پوٹھوہاری ،ہند کوتے پنجابی زبان دا
الگ ہونا کوئی زی شعور تے زی عقل انسان قبول نہیں کر سکدا۔پنجاب کیوں کرے ۔ کیہ بابا فرید،ب شاہ حسین ،بلھے شاہ ،وارث شاہ،سلطان باہو،،یاں محمد بخش ،خواجہ غلام فرید،تے سچل سرمست دی زبان نوں سارا پنجاب نہیں سمجھدا۔دھوکا دین والے کہنوں دھوکا دین دی کوشش کردے پئے نیں اپنے آپ نوں یاں فیر پنجاب نوں یاں پاکستان نوں۔کہدا ایجنڈا لے کے اٹھے نیں ۔پنجاب دے لوک سبھ سمجھدے نیں ۔پنجابی پوٹھو ہاری تے سرائیکی دے وکھوں وکھ نسلی تے لسانی شناخت ہوون دے سلسلے بارے سارے دعوے، گھڑے گئے اعداد وشمار، تخلیق کردہ لٹریچر سبھ کجھ شعبدہ بازی ،بدنیتی ،تعصب تے مبنی تے من گھڑت،گمراہ کن ، جھوٹ، فراڈ تے دھوکا بازی دا مینا بازار اے ۔ سرائیکی تے پوٹھوہاری پنجابی توں وکھ ہوون دا ڈرامہ جھوٹ ،سازش تے بدنیتی دیاں فیکٹریاں لگا کے گھڑیا گیا اے ۔فیر اوہااگل کہ پنجاب لا وارث ہے تے پنجاب وچ رہن والا کوئی بندہ پنجاب تے پنجابی نال پیار نہیں کردا اج سارا پنجاب چپ ہے۔پر میں چپ نہیں رہن لگا،پنجاب نوں ڈبدا نہیں وکھ سکدا۔
سرائیکی صوبہ پنجاب وچ خانہ جنگی تے پاکستان دے خاتمے دا منصوبہ اے ۔ملتان،بہاولپور تے ڈیرہ غازیخان بنا پنجاب دا کوئی تصور نہیں اے ۔بھارت دے وچ ہور صوبے بنان دی تے چڑھدے پنجاب دے تن ٹوٹے (کانگریس نے سازش کر کے کیتے ) دی مثال دین والے دین والے سامراجی گماشے ،نیتی دے کھوٹے تے پلیت ایس گل دا جواب دی دین کہ بھار ت دے سبھ توں وڈے صوبے اتر پردیش دی آبادی ستارہ کروڑ توں ودھ اے ۔ جد کہ سارے پاکستان دی اباد ی سولہ کروڑ اے ۔اتر پردیش دے وچ وی چار پنج زباناں بولن والے تے چار پنج مذہباں دے لوک وسدے نیں۔اوہدے تے کدی کسے نے ٹوٹے کرن دی گل نہیں کیتی۔اوہدی مثال کیوں نہیں دیندے ۔پنجاب دی ودھ ابادی تے اعتراض کیوں ۔جے پنجاب دی ابادی ودھ ہے تے ایدے وچ پنجاب دا کیہ قصور ہے جے دوجے صوبے نکے یاں گھٹ ابادی والے ہیں تے ایدے وچ رب دی مرضی پنجاب دا کیہ قصور ۔پاکستان بنان ویلے سارا پنجاب ہندوستا ن ہی رہن دینا سی جناح صاحب تے مسلم لیگ نے پنجاب وچ پاکستان دی تحریک شروع کیتی ۔مسلم لیگ پنجابیاں نے نہیں سی بنائی تے تحریک پاکستان پنجابیاں نے نہیں شروع کیتی ہاں پاکستان بناون لئی پنجاب دے ٹوٹے ضرور کرائے گئے ۔ ایتھے پندرہ لکھ معصوماں تے مسکیناں دا قتلام ضرور ہویا ۔اج پنجاب دے اوس احسان عظیم دا بدلہ پنجاب دے ہور ٹوٹے کر کے دتا جاوے ایہ کسراں ہو سکدا اے ۔ اے ایدی مزاحمت ہوسی بھانویں نتیجہ کجھ ہی کیوں نہ ہوسی ۔کوئی مرے یاں جیوے پنجاب دی ہور ونڈ منظور نہیں سرائیکی صوبہ تے پنجاب یدی انتظامی ونڈ وی قبول نہیں ۔ہور بڑے رستے نیں جنوبی پنجاب تے ایدی سرائیکی ابادی دا احساس محرومی ختم کرن لئی ۔مسئلے دا حل سرائیکی صوبا بنان وچ نہیں یاں پنجاب دی انتطامی ونڈ وچ نہیں اے۔پنجاب دی کوئی وی نسلی ،لسانی،انتطامی ۔علاقائی ونڈ قبول نہیں ۔کہ ایہ 1940 قرار داد لہور دی نفی کردی اے ۔
جنوبی پنجاب دیاں ہزاراں لکھاں کلیاں دیاںجاگیراں بے زمین کساناں وچ ونڈن تے دولت محروم طبقیاں وچ ونڈنامسئلے دا حل اے
۔پنجاب وچ مسئلہ طبقاتی اے۔ کجھ مفاد پرست،منافق تے بدنیت لوک نسلی ،لسانی تے علاقائی رنگ دے کے اپنیاں جاگیراں بچاون تے ووٹ بنک جوڑن لئی آخری ناکام لڑائی سرائیکی صوبے دے ہتھیار نال لڑن دی ناکام کوشش کر رہے نیں ۔جے سرائیکی صوبہ بن وی گیا تے جنوبی پنجاب دے محروم تے غریب لوکاں نوں ایدے وچوں چھنکناوی نہیں لبھنا ۔وسائل،دولت تے حاکمیت اُتے پیراں ،جاگیراراں،سرداروں دا قبضہ ای رہنا اے ۔ سرائیکی صوبہ تے پنجاب دی پارٹیشن پاکستان تے وفاق دے نہیں بھارت دے مفاد وچ اے پنجاب دی ونڈ 1947 ہندوواں گاندھی ،نہرو تے کانگریس دا ایجنڈا سی ہن اوہناں دا ا دھندا تے بھارت دا مشن ہن پاکستان وچ عمران خان۔لیاقت بلوچ ،مولانا فضل الرحمن، جاوید ہاشمی۔سردار عبدلقیوم جتوئی ،مخدوم شہاب الدین ،سردار حسن گورچانی،سید ناظم شاہ ،ملک شیر علی ،چوہدری ظہیر تے محمد علی درانی جہے پنجاب دے غداراں نے سنبھال لیا اے۔پر ناکامی پنجاب دے غداراں دامقدر اے ۔اک واری پنجاب دی ونڈدا دھوکا پنجابی کھا چکے دوجی واری نہیں کھان گے ۔947 وچ ہندوستان دی نہیں پنجاب دی پارٹیشن ہوئی سی ۔ہندوستان تے اج تک ونڈیا ہی نہیں گیا جہنوں پارٹیشن آف انڈیا آکھیا جاندا اے اوہ درحقیقت پارٹیشن آف پنجاب اے ۔ ایس لئی پارٹیشن آف انڈیا دی ٹرم میرے نیڑے دنیا دا سبھ توں وڈا جھوٹ اے ۔ سرائیکی صوبہ پنجاب نوں غیب کرن تے پاکستان نوں ختم کرن دا سو فیصد بھارتی تے سامراجی ایجنڈا اے ۔ جسراںمشرقی پنجاب نوں ونڈ کے بھارت نے ختم کردتا اے اوسے طرحاں ہن مغربی پنجاب نوں ونڈ کے باقی دے پنجاب نوں ختم کرن دا منصوبہ اے ۔جنوبی پنجاب دے کجھ سیاستدا ن پنجاب دے ٹوٹے کرن لئی تے پاکستان نوں ختم کرن لئی بھارتی تے سامراجی اشاریاں تے نچ ٹپ رہے نیں ۔ کیوں کہ پنجاب وچ سرائیکی صوبہ بنیا تے خانہ جنگی ہونی جہدے نتیجے وچ پاکستان ختم ہوجانا تے تے پاکستان اُتے بھارت دا قبضہ ہو جانا اے۔ تے ایدے نال ہی کراچی وچ تے نالے بلوچستان تے سرحد وچ وی نویں صوبیاں دے قیام لئی خانہ جنگی شروع ہو جانی اے ۔ جنوبی پنجاب دی پسماندگی دا ذمہ دار اوتھوں دا حاکم طبقہ اے سینٹرل پنجاب نہیں۔ ایہ گل وی پنجابی آکھ سکدے نیں کہ جے نام نہاد سرائیکی پنجاب وچ پنجابیاں نال نہیں رہنا چاہندا تے پنجابی پاکستان وچ اوہناں دے نال کیوں رہن ۔جیہڑا وفاق جھوٹ تے فراڈ نوں مڈھ بنا کے اک غیر آئینی تے غیر قانونی حرکت کرے ،پنجاب دے ٹوٹے کرن دی کوشش کرے پنجابی اوہدا محاسبہ کرن دا پورا حق رکھدے نیں ۔پنجابی پاکستان لئی پنجاب نوں ای ونڈ ونڈ کے کیوں ختم کردے جان ۔ پنجاب کول بڑیاں راہنوں تے آپشنز ہین اپنا وجود محفوظ رکھن لئی ۔پنجاب وچ سرائیکی صوبہ فساد فی سبیل اللہ اے۔خانہ جنگی اے تے پاکستان دا خاتمہ اے ہور کجھ وی نہیں۔ کیوں کہ سرائیکستان زندہ باد ،پاکستان زندہ باد تے پنجاب مردہ باد دے نعرے دے جواب وچ پنجابی وی مردہ باد دے کجھ نعرے لا سکدا اے۔سارا پنجاب تباہ حال اے نرا جنوبی پنجاب نہیں ۔
جہناں نوں اسلام آباد وچ وزارت دی کرسی اُتے بہہ کے بہاولپور، ملتان یاں ڈیرہ غازی خان توں لہور دور لگدا اے۔اوہناں نوں اسلام آباد کیوں نیڑے لگدا۔ اوہ اسلام آباد جا وزارتیں دے سواد وی لینا چھڈ دین۔پنجاب دے ٹوٹے کرن دی تھاں پنجاب وچ
زرعی،معاشی،سماجی اصلاحات کیتیاں جان نالے جدید دور دے تقاضیاں دے مطابق ترقی دی منصوبہ بندی ہووے تے جنوبی پنجاب دا مسئلہ حل ہو سکدا اے ۔پنجاب دے ناں تے سیاست کرن والے تے پنجاب دے عوام دے ووٹ لین والے نوازشریف،شہباز شریف،چوہدری شجاعت،چودہری پرویز الہی جدوں پنجاب دے ٹوٹے کرن دی گل ہو رہی اے مونہہ وچ گھگنیاں پا کے کیوں بیٹھے نیں۔ ایناں ساریاں نے اج تک پنجاب تے پنجابی لئی ککھ نہیں کیتا۔ جے کجھ کیتا ہوندا تے اج پنجاب نوں ایہ دن نہ دیکھنا پیندا۔ظاہر ہے اوہدے مگر وی کوئی وجہا ہے۔
پنجاب وچ جے اج پنجابی پرنٹ تے ا لیکٹرانک میڈیا ہوندا تے کسے نوں پنجاب دی ونڈ دی گل کرن دی جرائت نہ ہوندی ایہ لہور تے کراچی دا پنجاب دشمن اردو تے انگریزی پرنٹ تے الیکٹرانک میڈیا تے لہور تے کراچی دے دانشور،صحافی،کالم نگار،اینکر پرسن ہی نیں جہڑے پنجاب دے ٹوٹے کرن لئی ساری دنیا وچ سامراجی تے بھارتی ایجنڈے دی تکمیل لئی سر گرم عمل نیں۔ کجھ ٹی وی چینل تے پہلاں ہی پنجاب نوں پنجاب تے سرائیکی وسیب وچ ونڈ کے بیٹھے نیں ایہ سرائیکی چینل کراچی دے نیں تے غیر پنجابیاں دی مالکی نیں ۔ایناں دے مالک اردو بولن والے نیں جیہڑے پنجاب دے دشمن نیں تے پنجاب تے پنجابیاں کولوں تعصب جہناں دے ایمان دا حصہ اے ایناں دے دل وچ سرائیکی دی پیڑ کیوں اٹھ پئی۔ اردو والیاں ولوں پنجاب وچ سرائیکی چینلاں دی شروعات اوہناں دی نفرت پنجاب دے وجود کولوں نفرت دا اظہار ہے کہ اوہناں پنجاب دے ٹوٹے کرن لئی پنجاب وچ پنجابی تی تھاں سرائیکی چینل شروع کر کے پنجاب وچ نفرتاںتعصب دی اگ بالی ہوئی اے تے پنجاب دے خلاف چوی گھنٹے پرو پگینڈی کر دے تے زہر اگل رہے نیں ۔ تاں جے سندھ دے ٹوٹے کیتے جا کسن تے مہاجر صوبہ بنایا جا سکے ۔کراچی توں آ کے پنجاب وچ پنجاب دے خلاف نفرتاں دا پرچار کرن والے ایناں چینلاں نوں پنجاب دشمن تے بھارتی مفادات تے سامراجی مفادات دا راکھے جنرل مشرف دے ویلے وچ باقاعدہ منصوبہ دے تحت پنجاب دے ٹوٹے کرن لئی شروع کرائے گئے ۔ مشرف نے پنجاب دی ونڈ دا منصوبہ اپنیاں ہتھ ٹوکیاں دی مدد نال تیار کر لیا سی۔شیر افگن نیازی اوہدے حکم دی تکمیل وچ ایس سلسلے وچ قانون پاس کروان دی تیاری وی کر کے بیٹھا سی۔ کہ اوس پنجاب دشمن مشرف دا تختہ الٹ گیا۔اوہدے پالے چینلاں تے ہتھ ٹوکیاں تے دوجے پنجاب دشمناں نوںاج پنجاب وچ ڈکن والا کوئی نہیں اے ایہ پنجاب وچ خانہ جنگی کروا کے چھڑیسن ۔لہور وچ کوئی پنجابی نہیں تے پنجاب دی اکثریت بے زبان ہے۔ کوئی لہوریا پنجاب تے پنجابی زبان نال پیار نہیں کردا۔لہور پورے دا پورا پنجابی ی زبان د اقبرستان تے پنجاب دا اک غدار شہر اے ۔ اج پنجاب تے پنجابی بے وس،نمانا ظلم تے ہر طرح دی ریاستی دا شکار اے ۔مظلوم بلوچ وی بلوچستان وچ نوکری کن والے پنجابی نوں نوں قتل کر کے اپنے انتقام دی اگ بجھا رہیا اے۔
لگدا اے اج پنجاب اک واری فیر رنجیت سنگھ دی اڈیک وچ ہے ۔دنیا دی ہر قوم وچ ہر ویلے اک رنجیت سنگھ ہوندا اے اوہ کدرے نہیں
جاندا بس اپنے ویلے تے آ جاندا اے ۔پنجاب اج اک واری فیر رنجیت سنگھ دی اڈیک وچ اے ۔اپنی ماں بولی تے اپنے وجود دی بقا لئی۔ میری دعا اے ربا سچیا ہزاراں ورہے بیت گئے نیں ہن تے پنجاب تے مظلوم پنجابیاں دی تے ایناں دی رلدی تے مردی ماں بولی دی سن لے ، اساڈے اتے رحم کر،ا سانوں نکیاں وڈیاں عذاباں کولوں نجات دے تے پنجاب تے پنجابیاں دی تقدیر پلٹ دے ( آمین)۔وارث شاہ سچ آکھیا کہ تقدیر پہاڑ پلٹ دی اے ۔پہاڑ پلٹن دا ویلا آ گیا اے ۔ پورا پاکستان پنجاب تے پنجابی دا دشمن ہو چکیا اے تے اینوں لتاں تے ٹھڈے مار کے پاکستان وچوں باہر کڈھن لئی ایدے اتے حملہ آور ہو ہو چکیا۔ہن سوال ایہ اٹھ کھلوتا ہے کہ ہن اتھوں پنجاب تے پنجابی کتھے جان ؟ سرائیکی صوبہ پنجاب وچ ہی کیوں بنے ؟ پنجاب دی ونڈ کیوں ہووے ؟۔پنجابی زبان نوں ایدا حق کویں دوایا جاوے ؟ایناں سوالاں نال پاکستان دا ہی نہیں سارے بھارت دا وی مستقبل تے مقدر جڑیا اے ۔میں خوش ہاں کہ کبے نوں مارن والیاں نے اینوں لت مارن دی تیاری کر لئی ۔ پنجاب لئی ویکھے میرے سارے خواب سچے ہوون دا ویلا آ گیا اے۔نو کروڑ دے صوبے وچ پنجاب دی گل کرن والا کوئی پنجابی لیڈر نہیں اے۔ عمران خان وی پنجاب دا غدار ہے ۔اوہنے بروٹس وانگ پنجاب دی کنڈ وچ چھرا ماریا اے۔ پنجاب دے وجود تے ایدی جغرافیائی وحدت دا دشمن اے کہ اوہنے اپنی تحریک انصاف دی ویب سائٹ اُتے باقاعدہ پنجاب دے ٹوٹے کرن لئی وکالت تے پروپگینڈہ شروع کر رکھیا اے۔سوچن والی گل ایہ وے کہ ہن جدوں اک سندھی بلوچ پاکستان دا صدر اے جہدیاں ساریاں ہمدردیاں سرائیکیاں نال نیں ۔اک سرائیکی پاکستان دا وزیر اعظم اے۔سارے پاکستان اتے پیپلز پارٹی دی حکومت اے ۔سارے فنڈز تے مالیات صدر زرداری تے وزیز اعظم یوسف رضا گیلانی دے اخیتار وچ ہے تے ایناں نوں جنوبی پنجاب وچ شہد تے ددھ دیاں نہراں کھٹن توں کہنے ڈکیا اے۔پنجاب وچ ایس ویلے سرائیکی دا رولا ایدے پچھے کہدا ہتھ اے اصل کھیڈ کیہ اے ایدی ٹائمنگ ول دھیان دین دی ضروت اے۔کدرے پیپلز پارٹی دی سرکار رخصت تے نہیں ہون لگی کدرے پنجاب وچ نفرتاں دا اگ بال کے کدرے پیپلزپارٹی اگلا الیکشن جتن لئی تے ن لیگ دا ووٹ بنک توڑن ،اوہدیاں سیٹاں کھون لئی پنجاب وچ خانہ جنگی کروان دی منصوبہ بندی تے نہیں کر لئی۔یاں ایدے پچھے بھارت تے سامراجی طاقتاں دا ہتھ اے یاں فیر سٹیبلشمنٹ ایس گندے دھندے وچ موجودہ حکومت دے تعاون ایہ مکروہ کھیڈ کھیڈن لگی اے ۔بوہت سارے سوال ذہن وچ اٹھدے نیں پر کسے دا جواب نہیں ملدا اگوں ہنیرا ہور ودھ جاندا ے۔ کدرے پنجابی زبان نوں اوہدے حق کولوں رکھن تے ایدے وجود مٹان لئی ایہ سارا کھیڈ تے نہیں کھیڈیا جا رپہیا اے ایہ سوال وی اٹھ کھلوتا ہے کہ کیوں کہ پنجاب وچ پنجابی زبان دے پنجاب دی تعلیمی ،سرکاری ،دفتری تے عدالتی زبان بناون دامطالبہ زور پکڑ رہیا کدرے ایس مطالبے نوں دفن کرن لئی ایہ سرائیکی صوبے دی سازش تے نہیں کیتی جا رہی ۔ایس سوال دا جواب کھوجن دی لوڑ ہے کہ پنجابی زبان پنجاب دی قومی زبان سرکاری دفتری زبان بن جاندی اے پاکستان وچ کیہڑی زبان تے کیہڑے کیہڑے مافیاز، گروپاں،زباناں تے مفاداں دا جنازہ اٹھنا اے ۔ مینوں ایس گل وچ کوئی شک نہیں کہ پنجابی ہی اوہ
واحد زبان ہے جیہڑای نرا پاکستان وچ ہی نہیں ہندوستان ،بر سغیر دے سارے دیساں تے ساری دنیا وچ اک ہور زبان نوں ہٹا (Replace) کرکے اوہدی تھاں لے سکدی اے ۔سمجھ اوندی ہے ایہ گل کہ کہدی کہدی موت ہونی اے پنجاب وچ پنجابی زبان دے سرکاری زبان دے نافذ ہوون نال تے کہدا کہدا وجود تے مفاد وجود خطرے وچ ہے۔سرائیکی صوبہ تے سرائیکی زبان پنجابی زبان دا راہ ڈکن تے پنجاب دے ٹوٹے کرن ،پنجاب وچ خانہ جنگی کروان ،دوجیاں صوبیاں دے ٹوٹے کر کے اوتھے وی خانہ جنگی کروا کے پاکستان نوں ختم کرن دا بھارت تے سامراجی عزائم دی تکمیل دا خوفناک منصوبہ ہے ۔سرائیکی بھارتی تے سامراجی ہتھیار اے ایدا پنجاب اتے ورتے جان نال پاکستان فوری ختم ہوجانا اے۔اصل مسئلے نوں پچھے چھڈ کے کجھ لوک غلط پاسے جان بجھ کے ٹر رہے نیں تے پنجاب نوں ونڈ کے تے سرائیکی صوبہ بناندیاں ہون والی خانہ جنگے دے نتیجے وچ سولہ کروڑ دے ایس ملک نوں ختم کرکے چھڈنا چاہندے نیں ۔
پاکستان دے کسے ادارے ،پارلیمنٹ ،قومی اسمبلی ،صوبائی اسمبلی نوں پنجاب دی ونڈ دا اختیار تے گل کرن دی یاں ایس سلسلے وچ قانون سازی کرن دی اجازت تے اختیار نہیں اے ۔سرائیکی صوبہ بنن وچ پنجاب دی ہی نہیں پاکستان دی وی موت اے ۔ کہ ایدے مگروں بلوچستان وچ پختون،سندھ وچ مہاجر تے سرحد وچ ہزارہ صوبہ وی بنانا پئے گا۔ جہدے وچ طاقت ہوسی تے جہنوں بھارت تے سامراجی طاقتاں دی مدد ہوسی اوہ اپنا ملک وکھرا بنا لیسی تے پاکستان غیب ہو جاسی ۔ جدوں ساریاں صوبیاں دے ٹوٹے ہو جان گے تے پاکستان دا سبھ توں وڈا صوبہ کراچی بن جائیگا تے فیر اوہدے ٹوٹے کسراں کرو گے تے اوہنوں پاکستان توں وکھرا ہوون توں کون ڈکسی ۔ ہور صوبے بناکے پاکستان وچ خانہ جنگی تے سرائیکی تماشا ایس سارے تماشے دا نتیجہ پاکستان وچ خانہ جنگی ہوسی جہدا نتیجہ پاکستان دا خاتمہ ہوسی ۔ ایہا بھارت چائوہندا ا ے ۔سرائیکی صوبہ خلا وچ بن سکدا پنجاب دی دھرتی اُتے نہیں ۔ پنجاب دی ونڈ تے سرائیکی صوبے مگر بھارت تے پاکستان دشمن طاقتاں دا ہتھ اے ۔سرائیکی صوبے دا نعرہ مارن والے پاکستان توڑن دے بھارت ایجنڈے دی تکمیل دے آلہ کار نیں ۔میرا سوال ایہ وے کہ اینیاں ساریاں قربانیاں دین مگروں پنجاب نوں اوہناں دا صلہ کیہ ملیا۔پنجابی زبان کھوہ لئی گئی ۔اوہدا حق دین توں سٹیبلشمنٹ انکاری اے ۔سوال ایہ ہے کہ ایناں پنجاب دشمناں دی رسیاں ایناں دے مالکاں تے راکھیاں نے کیوں اچانک کھول دتیاںنیں۔جدوں پاکستان مغربی سرحداں تے اپنی بقا دی جنگ لڑ رہیا اودوں پاکستان دے سبھ توں وڈے صوبے وچ خانہ جنگی کران لئی تے ملک توڑن لئی سرائیکی صوبے دا شوشہ چھڈیا گیا اے ۔ پنجاب دی دھرتی دے ایہ دشمن پنجاب دے ٹوٹے کر ن تے سرائیکی صوبہ بناون لئی پنجاب وچ خود کش حملیاں تے طالباں ٹائب دی دہشت گرد ی تے تحریک چلان دیاں دھمکیاں دین لگ پئے نیں تے اعلان کر چکے نیں ۔ سارا پنجاب محرومی دا شکار اے نرا جنوبی پنجاب نہیں ۔سرائیکی دا نعرہ مارن والے پنجاب تے وفاق نوں بلیک میل کرن دی کوشش کر رہے نیں تے بھارتی ایجنڈے تے کم کر ہے نیں ۔
پنجاب دے ٹوٹے کر کے نواں صوبہ یاں صوبے بناون دی منگ غیر قانونی،غیر آئینی،غیر اخلاقی تے بدنیتی تے مبنی اے۔ پنجابی قوم ولوںایدی ڈاھڈی مزاحمت ہوسی کیوں کہ ایہ پاکستان دے قیام دیاں مڈھلیاں وجہاں دی نفی کردی اے ۔
Any attempt to partition ,divide, bifurcate or split Punjab furhter on the so called ethnic, linguistic, regional, administrative or whatsoever basis is illegal, unconstitutional, Unethical , ill conceived and in violation of the very basis of creation of Pakistan. Spliting Punjab for the creation of a so called Seraiki province will not only nullify the partition plan/agreement but shall also result in the civil war in Punjab and else where at once,In which millions of innocent people will be slaughtered. Creation of new Seraiki province on our “motherland Punjab” is the call of hate, death, destruction, civil war and the end of every thing.For Punjabis Punjab’s further partition means nothing but the elimination of Ancient land of Punjab, death to Punjabi language, literature, art, culture, values and slashing of its szie,area,resources,population and the end of every thing.Punjabi Nation will fight back to save it’s ” ancient motherland the Punjab” from elimination, no matter what the cost may be”.
پنجاب نوں اک ہور ونڈ توں بچان لئی ساری دنیا نوں اگ لائی جا سکدی اے ۔۔ہن کوئی مرے یاں جیئے پنجابیاں نوںپنجاب دی ہور ونڈ منظور نہیں۔اک پنجاب نوں بچان واسطے ساری دنیا دے ٹوٹے کیتے جا سکدے نیں۔پنجاب دے لوکاںنوں بابا فرید،گرو نانک، وارث شاہ،بلھے شاہ، سلطان باہو، میاں محمد بخش تے خواجہ غلام فرید دے پنجاب دی ونڈ نہیں پُجدی۔جیہڑے پنجاب دی ونڈ دی گل کردے نیں اوہ پنجاب دے غدار،ایدے لوکاں دے دشمن ،سامراجی ایجنٹ تے نفرتاں دے جھنڈا چک متعصب،غیر مقا می Aliensتے پنجاب دشمن نیں۔اوہناں نال پنجاب دے لوکاں دی جنگ اے ۔جے پنجاب نوں ہور ونڈی دی کوئی ناپاک کوشش کیتی گئی پنجاب دے ٹوٹے کر کے ایدی دھرتی اُتے کوئی نواں نام نہاد صوبہ بناون دی کوشش کیتی گئی تے فیر دیہاڑا حشر دا ہوسی۔سورج لہندیوں نکلسی تے اوہدے نال ای پنجاب دے ہر گھر وچوں اک دُلا بھٹی، اک رائے احمد خان کھرل تے اک رنجیت
سنگھ سر تے کفن بنھ کے نکلسی ۔ پنجاب وچ خانہ جنگی ہوسی تے لکھاں کروڑاں لوکاں دا قتلام ہوسی۔سب کجھ ہوسی پر پنجاب دی ہور ونڈ ہن کدی نہ ہوسی ۔پنجاب نوں اک واری پاکستان بناون لئی ونڈیا گیا۔ہن ہور ونڈ دی اجازت نہیں۔سرائیکی صوبہ قیام پاکستان دیاں وجہاں نوں دفن کردا اے۔ پنجاب دے ٹوٹے کرن دی ہر ناپاک کوشش تے سازش دی ڈاھڈی مزاحمت ہوسی ۔پنجاب دی ونڈ کرن دا ختیار روئے زمین اُ تے کسے بندے،ادارے تے طاقت نوں نہیں اے۔
’’پنجاب دے ٹوٹے کرن دا خواب ویکھن والیاں اُتے پنجاب دی دھرتی تنگ ہوسی اوہناں نال پنجابی قوم دی جنگ ہوسی تے اوہناں نوں رب دی ایس زمین اتے کدرے پناہ نہ ملسی۔ماراں گے مراں گے آٔخری ساہ تک لڑاں گے دنیا نوں الٹ دیاں گے پر پنجاب دے اپنی دھرتی ماں دے ہور ٹوٹے نہیں ہوون دیاں گے؛اک واری دھوکا کھا بیٹھے ہن نہیں کھانواں گے ۔میری اک جان ہے اوہ وی اپنے
پنجاب لئی حاضر اے جان دیساں پر اپنا پنجاب کدی نہ دیساں ۔ جے جنم ہزارملے تے اوہ وی پنجاب اُ تے وارد دیساں‘‘ ۔
جیہڑے پنجاب وچ خوش نہیںہین اوہ پنجاب چھڈ دین جہناں علاقیاں وچوں تے جتھوں جتھوں پناہ گیر تے مہاجر بن کے کجھ صدیاں پہلاں پنجاب وچ وڑے سن اودھر ہی پرت جان پنجاب دا اک انچ نہیں دیاں گے ۔پنجاب بے وارث نہیں اے ،پنجاب دا راکھا تے وارث پنجابی جاگدا اے۔پنجاب دی دھرتی دے ٹوٹے کرن تے ایدے اتے نویں صوبے بناون دی گل کرن والا ہر بندہ پنجاب دا تے پاکستان دا دشمن نمبر اک اے تے موت دا حقدار اے۔ پنجاب وچ پنجابی نوں مڈھلی تیعلیم لئی لازمی ذریعہ تعیلیم بنایا جائے نالے ااینوں سرکاری ،دفتری تے عدالتی زبان وی بنایا جائے ۔تے پنجاب وچ پنجابی لازمی سبجیکٹ دے نال نال بلوچی ،سندھی تے پشتو وی نوں اختیاری پڑھن دا قانون پاس کتیا جائے ،پنجابی نوں ذریعہ تعلیم بنایا جائے ۔سرائیکی کوئی زبان نہیں اے۔سرائیکی ہی پنجابی اے تے پنجابی ہی سرائیکی اے ۔باقی سبھ تماشا اے ، جھوٹ اے، فراڈ اے ۔
کجھ گلاں سندھ تے پنجاب دی تاریخی ،تہذیبی،ادبی تے لسانی سانجھ بارے۔۔۔ سندھ تے پنجاب دونویں صوفی بھرانیں۔
جویں شاہ لطیف ۔سچل بلھا تے شاہ حسین۔ سندھی تے پنجابی بولی 700.A.D دے آل دوالے اک دوجے کولوں نکھڑیاں نیں۔پہلاں سندھ وادی دے دے موئن جو دڑو تے ہڑپا دے وسنیکاں دی ماں بولی اک ہی سی ۔ماہرین لسانیا ت ایہا گل دس رہے نیں ۔موئن جو دڑو تے ہڑپا دا وچکارلا ا پینڈا کجھ پنج سو میل دے نیڑے تریڑے ہے ایناں دی وچکارلی راہ اُتے سندھ تے پنجاب دی نسلی ،لسانی،ثقافتی ،تہذیبی سانجھ تے نیڑتا تے محبتاں ،سلوکاں تے سانجھاں دیاں ان گنت وستیاں بھوئیں وچ ہزاراں ورہیاں توں دفن نیں جیہڑیاں ہولی ہولی اثار قدیمہ والے کھٹ کھٹ کے سامنے لیا رہے نیں ۔سندھ تے پنجاب دی نیڑتا وچ سندھ تے پنجاب دے تے پاکستان دے دشمناں دی موت اے۔پنجاب تے پنجابیاں نوں سندھ تے سندھیاںنال محبت ولا سلوک کرنا چاہی دا ۔سندھ تے سندھیاں دے پنجاب تے پنجابیاں اُتے وڈے ا احسان نیں ۔نالے سندھ تے پنجاب دے بڑے دکھ سانجھے نیں۔جسراں لہورنوں پنجابی زبان دا قبرستان بنا دتا گیا اے ایسے طرحا ں کراچی نوں وی سندھی زبان دا قبرستا ن بنا دتا گیا اے ۔
ویلا آ گیا ہے کہ سندھ دے پنجابی ہن سندھ تے سندھیاں دے نیڑے لگن۔کراچی تے اندرون سندھ دے پنجابیاں دا مفاد سندھیاں تے سندھ دے قومی مفاد نال وابستہ اے۔سندھ دے پنجابیاں نوں سندھی زبان،سندھی تہذیب تے سندھی کلچر نوں اپنا لینا چاہی دا ہ ہمیش لئی تے اپنیاں بال بچیاں نوں پنجابی دے نال نال سندھی زبان وی سکھانی چاہی دی اے۔ پنجابیاں دے نال نال سندھ وچ وسن والے پٹھاناں ،مہاجراں تے بلوچاں نوں وی سندھی زبان لکھنی پڑھنی تے بولنی چاہی دی اے۔تے سندھ وچ باہروں اون والیاں بھانویں اوہناں دا تعلق بھارت نال یاں فیر پاکستان دے کسے علاقے تھاں نال وی ہووے اون تے پابندی لگنی چاہی دی اے۔سندھ دنیا بھر تے پناہ گیراں تے غیر قانونی تارکین وطن دی دہشت گردی تے استحصال داشکار اے ۔اوہناں دی آمد نال سندھ
دے وجود نوں بے پناہ خطرہ درپیش ہے۔ایس خطرے دی جڑ مارن وچ پنجابی اپنے سندھی بھرانواں دے نال ہوون۔سندھ وچ باہروں اون والیاں پنجابیاں،پٹھاناں،بلوچاں تے ہندوستانیاں نوں ڈکنا چاہی دا اے ۔ایہ سندھ دا ستحصال کردے نیں ۔اینوں لٹ دے نیں تے سندھی قوم دا حق ماردے نیں۔
اسیں مسلمان ہاں تے اوس نبی دی امت وچوں ہاں جہدے دربار وچ عربی،فارسی ،افریکن،ترکی،رومن تے ہیبریو بولن لکھن تے پڑھن والے موجود ہوندے ۔سن تے میرے آقاؐ ایناں وکھوں وکھ نسلاں تے زباناں بولن والے اپنے ہر پیروکار نوں اک دوجے توں ودھ پیار کردے سن ۔ ساریاں زباناں بولن والیاں نال پیار کرنا نبی دی سنت اے ۔قران نبی ؐ دی ماں بولی وچ نافذ ہویا۔ثابت ہویا کہ رب وی لوکاں دیاں ماں بولیاں نال پیار کردااے تے اوہنے قران وچ سچ آکھیا کہ اوہنے’’ بولیاں نسلاں تے قبیلے ساڈی پچھان لئی بنائے‘‘ نفرتان دے اظہار لئی نہیں ۔ پنجاب دیاں چاراں مادری زباناں سندھی،پنجابی،بلوچی تے پشتو علاقائی نہیں پاکستان دیاں قومی زباناں نیں تے ایناں نوں قومی زباناں دا آئینی تے قانونی درجہ دتا جاوے سندھ دے تے ساری دنیا وچ وسدے پنجابی پیار کرن والے برداشت کرن والے امن پسند لوک نیں تے بلھے شاہ ،شاہ حسین دی راہ دے پاندھی نیں ۔میں ہمیش آکھدا ہونداں کہ
’’ سندھ مائی اے جہدے قدماں تھلے جنت ہے۔پنجابی سندھ دے احسان مند نیں ‘‘ تے جے کدی ویلا پوے تے سندھ دے پنجابی پتراں نوں اپنا لہو اپنی ’’دھرتی ماں سندھ ‘‘ دی نذر کرن لئی تیار رہنا چاہی داے ۔۔ سندھ دے پنجابی دی جان سندھ اُتے قربان اے ۔ سندھیاں تے پنجابیاں نوں لڑان لئی تے پنجاب دے خلاف نفرتاں نوں ودھاوا دین لئی قیام پاکستان دے ویلے توں ہی کجھ لولکاںنے پنجاب تے پنجابیاں دے خلاف نفرت تیا رکرن والیاں فیکٹریاں لائیاں ہوئیاںنیں ۔میرا اشاراہ پاکستان دے غیر پنجابی پرنٹ تے الیکٹرانک میڈیا ول اے ۔اوہ کدرے وی رکن وچ نہیں آ رہے ۔ پنجابیاں دی بے حسی دی وجہا توں بلوچستان وچ پنجابیاں دا قتلام ہو رہیا اے۔ تے بلوچاں دا وی ۔بلوچاں نال انصاف ہونا چاہی دا تے اوہناں نوں اوہناں دا حق ملنا چاہی دا۔ نفرتاں نوں ودھاوا دین لئی تے پنجاب تے بلوچستان وچ دوریاں ودھان لئی تے پاکستان توڑن لئی بلو چستان وچ پنجابیاں نوں بلوچ نہیں بھارت قتل کروا رہیا اے کوئی بلوچ ایہ کم نہیں کر سکدا ۔پنجاب دے خلاف تعصب دا اظہار تے ودھاوا کجھ مفاد پرستان تے منافقاں دا دین ایمان تے پیشہ اے۔ مظلو م پنجاب کسے نوں نظر نہیں اوندا ۔پاکستان دا پرنٹ تے الیکٹرانک میڈیا پنجاب تے پنجابیاں دے خلاف نفرتاں نوں ساری دنیا وچ ودھاوا دے رہیا تے ایدا پرچار کر رہیا اے۔ پنجابیاں نوں ایدا نوٹس لینا چاہی دا تے ایدے بارے فکر کرنی چاہی دی اے۔ پاکستانی پرنٹ دے الیکٹرانک میڈیا نوںپنجاب تے پنجابی دے خلاف بطور ہتھیار ورتیا جا رہیا اے ۔پاکستانی میڈیا پنجاب دے ٹوٹے کرن دی ذلیل تے شرمناک مہم چلا رہیا اے تے ساری دنیا وچ پنجابیاں دے خلاف نفرت دی
اگ بال کے بیٹھا اے نالے پنجابی زبان دا استحصال وی کر رہیا اے ۔پنجاب تے پنجابیاں نال ایہ سارا کجھ ایس لئی ہو رہیا اے کہ پنجابی زبان دا اپنا کوئی پرنٹ تے الیکٹڑانک میڈیا نہیں ہیگا تے پنجابی زبان دا پنجاب وچ ریاستی نگرانی وچ قتلا م ہو رہیا اے،
پنجاب وچ پنجابی زبان نوں ذریعہ تعلیم دا حق نہ دین والے وی ایدے اصل دشمن نیں۔
کراچی وچ وسدے پنجھی تریہہ لکھ پنجابیاں نوں میرا مشورہ ہے کہ اوہ کراچی دے پٹھاناں تے مہاجراں وانگ اپنا کوئی حلقہ بنان ۔کراچی دے پنجابی علاقیاں وچوں جے کراچی دے پنجابیاں د ی نمائندگی لئی کوئی پنجابی منتخب نہیں ہو سکدا تے فیر پنجابیاں نوں اپنے نمائندے دے طور تے کسے سندھی نوں اپنے علاقے وچوں منتخب کر کے سندھ اسمبلی وچ گھلنا چاہی دا۔ایس پالیسی وچ سندھ دا تے پنجابیاں دا مفاد ہے ۔ پنجابی سوچ لین کہ ہن کدی اوکھا ویلا ایس شہر تے آوے تے کراچی نہیں چھڈنا ۔۔۔اتھے ای مرنا اے۔۔۔کراچی اُتے کجھ دوجے لوکاں نالوں ساڈا بوہتا حق ہے ۔۔۔کراچی دے پنجابی پنجاب ول تکنا چھڈ دین۔۔۔سندھ تے سندھیاں ول تکن تے اوہناں نال اپنا مستقل،ڈونگھا،نگھا،سچا تے سُچا تے ان ٹُٹ رستہ جوڑن کہ ایدے وچ سندھ وچ وسدے پنجابیاں دا مفاد تے اساڈی بقا اے۔جیہڑا سندھ تے سندھیاں تے سندھی زبان دا دشمن اے اوہا پنجاب دا پنجابی زبان دا تے پنجابیاں دا وی دشمن اے ۔ جیہڑا سندھ تے پنجاب دشمن اے اوہا پاکستان دا دشمن وی ہے ۔پنجاب تے پنجابیاں دے خلاف بلا وجہا دی نفرت بوہت اے اینی کہ کدی کدی میرا ساہ بُٹ ہوون لگ پیندااے۔پنجاب تے پنجابیاں دے خلاف نفرت تے تعصب تے گالھ تے الزام تراشی دی اک منظم منصوبہ اے ایدے وچ ستر فیصد جھوٹ اے۔ فیرپنجاب واسطے میں ہمیش ایہ دعا کرداں کہ:
میرے دیس تے مالکا کوئی اترے نہ عذاب تیرا وسے کعبہ سوہنیا میرا وسدا رہے پنجاب
پی ایس اے نوں میری گذارش ہے کہ اپنی لیڈر شپ،اپنی تنظیم نوں منظم کرو۔ہن کراچی تے اندرون سندھ دے پنجابیاں دی بقا کہڑی راہ تے چلن وچ ہے میں رستہ دس دتا اے تے مت وی دے دتی اے ۔ ۔تسیں سارے سندھ د ے پنجابیاں دی نویں نسل نال تعلق رکھدے۔ تہاڈے اکٹھ وچ آ کے مینوں دلی خشی ہوئی اے ۔ ادبی تے سماجی کم ول پڑھائی دے نال نال دھیان دیو۔تسیں جدوں عملی زندگی وچ قدم رکھ تے اک جنٹلمین پنجابی وانگ قدم رکھنا۔تے پنجابی قوم دا ناں اُچا کرو۔ نالے اپنے سندھ دا تے اپنے پنجاب دا وی ۔جتھے سندھی کھلوتا ہووے اوہدے ساتھ ہووو۔ سندھ یاں سندھی نوں مصیب وچ ویکھو تے اوہدے نال موڈھا جوڑو، پنجابی بندہ دل دا کھلا ڈلھا تے انسانیت نال پیار کرن والا انسان اے ۔ برے لوک ہر قوم وچ ہوندے نیں اوہناں نوں اپنی راہ نہیں ڈکن دینا۔اگے ودھدے رہنا تے محبتاں ،بھائی چارے ،قربانی تے حسن سلوک دی خشبو ونڈے جانا پنجابیاں دی ایہا تہذیب اے، نفرت،تعصب دا وپار کسے ہوردا دین ایمان تے پیشہ اے پنجابیاں دا نہیں۔پنجابی ابادیاں وچ اپنی مدد آپ دے تحت کمیٹیاں بنائو۔ اپنی قومی ذمہ داری سمجھ کے ادبی سرگرمیاں ول دھیان دوو تے ہر مہینے پی ایس اے دا اک نیوز بلیٹن ضرور چھاپو۔جہدے وچ پورے کراچی وچ وسدے پنجابی
لوکاں دے مسلے مسائل تے اپنے تعلیمی ادرایاں وچ ماملیاں تے اپنیاں ادبی تے سماجی سرگرمیاں تے پنجابی ابادیاںدیاں خبراں چھاپو ۔سال وچ تن چار وڈے وڈے پنجابی فنکشن ضرور کراچی وچ کرو تے اوہناں وچ سندھی دانشوراں،لکھاریاں،شاعراں،استاداں،قوم پرستاں تے عوامی نمائندیاں نوں ضرور بلائو۔سندھ دے حقاں لئی سندھ دے قوم پرستاں نال ہو کے لڑو تے جان دینی پوے سندھڑی لئی جان وی دو۔سندھ دیاں نیکیاں تے احساناں پنجابیاں دیاں اون والیاں نسلاں کدی نہ بھلن۔ کراچی دی پنجابی کمیونٹی نوں سیکورٹی،اتحاد تے تنظیم دی ان ٹٹی تے پر امن زنجیر نال بنھ دیو۔ایہ نیوز بلیٹن ایس ویلے کراچی دے پنجابیاں نوں اک پلیٹ فارم تے جوڑن لئی ویلے دی سبھ توں وڈی ضرورت ہے ۔تے ایہ کم نرا پی ایس اے کر سکدی اے ۔پی ایس دیاں قربانیاں تے ایدے شہیداں نوں میرا سلام۔
بندہ کرے تے کیہ نہیں کر سکدا منیا وقت وی تنگ توں تنگ اوندا
رانجھا تخت ہزاریوں ٰ ٹرے تے سہی پیراں ہیٹھ سیالاں دا جھنگ اوندا۔
پی ایس اے دے سارے ممبر تے کامے سن لین ۔تحریکاں اُتے بڑا بڑا اوکھا ویلا اوندا اے ۔ پر حوصلا نہیں ہارنا چاہی دا۔میرے ناول ’’دریا بُرد‘‘ دے ہیرو ’’شائیگان ‘‘اُتے جدوں اوکھا ویلا اوندا اتے شروع توں آخر تک اوہدے مونہوں بس اک ہی جملا بار بار نکلدا اے کہ:
حوصلہ وی کوئی ہارن دی شے ہوندا اے ‘‘
میدان اوہناں مرداں دے ہتھ ہوندے نیںجیہڑے اوکھے توں اوکھے ویلے وی حوصلہ نہیں ہاردے۔ تحریکاں اوہا کامیاب ہوندیاں نیں جیہڑیاں منظم ہوون۔جہناں دی لیڈر شپ مخلص
ہووے تے اوہدے حوصلہ بلندے ہوون ۔قربانی دا جذبہ دل وچ ہووے نالے اپنی منزل دا پتا ہوے۔ کالیاں راتاں تے ہنیریاں دا سینا پاڑیا جا جا سکدا اے ۔ جے جذبے سچے تے حوصلے اُچے ہوون نالے پیار محبت تے امن دے دیوے ہمیش لئی بلدے رکھے جا سکدے نیں ۔ بس دشمن ولوں غافل نہ ہونا دشمن مکار تے بزدل اے تے سپ وانگ وار کردا اے۔ تے تیار بیٹھا اے اون والا ویلا اوکھا اے ۔حالات تے گہری اکھ رکھو تے اپنے گھوڑے بیڑ کے رکھو پنجابی پرامن لوک نیں ۔ اسیں کراچی وچ ہر طبقے لئی امن چاہندے ہاں۔جیو تے جین دیو۔ایہا اک پالیسی ہونی چاہی دی اے۔
میں ذاتی طور تے ایہ کوشش کر رہیاں کہ سندھ تے پنجاب نوں نیڑے لیاندا جائے ۔۔اسیں سندھ پنجاب ڈائیلاگ دا پراسیس شروع کیتا ہویا اے سندھی ادبی سنگت دا اک نمائندہ وفد میرے دعوت تے لہور دا دورہ کر چکیا اے تے پنجابی ادبی سنگت تے پنجابی دانشوراں نال ملاقات کر چکیا اے۔تے چھیتی پنجاب وچوں وی ڈیلگیشن سندھ آ رہیا اے۔ تے اسیں ہولی ہولی سندھ پنجاب ڈائیلاگ دی ایس گل نوں اگانہہ ٹور رہے آں۔سندھ ادبی سنگت دی حیدرآباد وچ ہوون والے اک ورہے وار فنکش وچ سٹھ ورہے وچ پہلی واری
مینوں یعنی کسے پنجابی لکھاری نوں سٹیئج تے بٹھا کے اوہدیاں گلاں سنیاں گیاں ۔ایہ اعزار مینوں نہیں ملیا سندھ دے ہر پنجابی نوں تے سارے پنجاب نوں ملیا اے ۔سندھ ولوں محبتاں تے دوستیاں دیاں خوشبودار ہواواں اوندیاں پیاں نیں ۔پنجاب نوں وی اپنے بوہے سندھ تے سندھیاں اُتے کھول دینے چاہی دے نیں ۔میں فیر ایہ گل آکھ رہیاں کہ سندھ وچ رہن والے پنجابیاں
دا مفاد سندھ نال سندھیاں نال تے اے ۔ سندھ دے پنجابیاں نوں سندھ دی قومی سوچ نوں اپنانا چاہی داے ۔
آخر وچ میرا سنیہا ایہ ہے کراچی دے پنجابی پتراں لئی۔۔کہ اوکھے ویلے تے مصیبت دا کوئی پتا نہیں ہوندا کدوں آجاوے ۔ ۔۔ بس ہشیار رہنا ۔۔۔ جاگدے رہنا۔۔۔۔جاگدے رہنا۔۔۔جاگدے رہنا۔۔کہ جاگنا رب دی سنت اے:
اک رات دا جاگنا بہت اوکھا اک جاگدا دکھی بمار راتیں
یا جاگدا چور تے ٹھگ راتیں یا جاگدا پہریدار راتیں
یا جاگدا عشق دی رمز والا یا جاگدا یار دا یا راتیں
وارث میاں سبھ سوں جاندے بس جاگدا پروردگار راتیں
سچل سر مست وی جاگن دی مت انج دیندا اے:’’سچل برسات دا موسم آ گیا اے ایس توں پہلاں کہ جھڑی شروع ہو وے توں وی اپنا چھپر جوڑ لے کیوں کہ فیر چھپر جوڑن دی مہلت نہیں ملنی‘‘۔
کراچی دی پنجابی سٹوڈنٹس ایسوسی ایشن کراچی دے پنجابیاں دا پہلا تے سبھ توں وڈا دفاعی مورچہ اے ۔ میر دعا اے ’’ربا سچیا پی ایس اے دے تے کراچی دے شیر پنجابی پتراں دا ہمیشہ را کھا ہوویں تے ایناں نوں اپنے دشمناں تے ویریاں کولوں ہمیش اپنی پناہ وچ رکھیں
۔(آمین)
پی ایس اے زندہ باد۔۔۔۔جیئے سندھ۔۔۔۔جیئے پنجاب۔۔۔۔جیئے پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نظیر کہوٹ نے ایہ پیپر بدھ،4 جون،009 دی شام نوں دائود انجنئیرنگ کالج کراچی دے آڈیٹوریم وچ پنجابی سٹوڈنٹس ایسوسی ایشن(پی ایس اے) کراچی دی ذیلی تنظیم پنجابی ادبی سو سائٹی دے ورہے وار پنجابی ادبی میگزین ’’سوہنی دھرتی009‘‘ دے سواگتی اکٹھ وچ پڑھیا۔