پورا ناں : چوہدری نظیر کہوٹ  :قلمی ناں :نظیر کہوٹ
والد دا ناں :چوہدری فتح محمد کہوٹ :
 والدہ دا ناں ـخدیجہ بی بی
جمنا(تریک تے تھاں)::پنڈ :ڈھڈیاں شریف  تحصیل شاہ پور ضلع سرگودھا
دسمبر 26 / 1956

کم کار: وپار،ٹیلی کام سیکٹر،لیدرگارمنٹس،زمینداری

پنجابی ستھاں نال سانگا :موڈھی چیرمین پنجابی لوک سیوا، پنجابی لینگوئج موومنٹ،پنجابی نیشنل کانفرنس، چیف  آرگنائیز پنجاب بچاو تحریک  پنجاب دی ونڈ دے خلاف مزاحمتی تحریک تے سوشل میڈیا اتے پنجابی تحریک دا موڈھی ہے۔

پنجابی چھپتاں :
 پنجابی ناول کار:

ایوارڈ یافتہ: پہلا پنجابی ناول دریا برد (2006)

(دوجا ایوارڈ یافتہ پنجابی ناول واہگا، (2008
 1990پنجابی کہانیکار: کہانی پراگا “آخریلا پنجابی “
1992پرکھ پڑچول: “آوو پنجابی نوں قتل کریئے “
1993ایڈیٹر تے پبلشر: مہنیہ وار “جینئیس” کراچی

ای میل :nazeerkahut@gmail.com
پڑھائی پلا(ساریاں ڈگریاں):
مڈھلی تعلیم پرائمری : گورنمنٹ پرائمری سکول  پنڈ سدا کمبوہ
مڈل کلاس: سیپر بوائیز ہائی سکول رسالپور
 میٹرک : گورنمنٹ ہائی سکول بدین  (سندھ)
گریجوئٹ : پولیٹیکل سائنس,گورنمنٹ اسلامیہ کالج بدین ) (سندھ یونیورسٹی)،
Journalism Diploma : پاکستان پریس انٹرنینشل (پی پی آئی ) کراچی 1977
Canadian Immigration Law Diploma 2014: Academy of Learning ,Toronto, Canada 
پنجابی تحریک نال جڑت 1972 توں سکول وچ توں ہے جدوں سندھ وچ اردو سندھی لسانی فساد شروع ہوئے تے سارے سندھ وانگ بدین وچ وی پنجابی وی اہدا نشانہ بنے اودوں  نظیر کہوٹ ہوریں گورنمنٹ ہائی سکول بدین وچ میڑک دے سٹوڈنٹس سن ۔ بدین توں گرئجوئیشن  1976 وچ کیتا تے ا1977 وچ روزگار ڈھونڈن لئی کراچی ٹرگئے ۔ تے کراچی وچ 1984 وچ ایم کیو ایملانچ ہوون مگروں جدوں پنجابیاں دی کراچی وچ ٹارگٹ کلنگ تے اہناں دے خلاف نسلی تے لسانی دہشت گردی شروع ہوئی تے کہوٹ ہوریں کراچی دے پنجابیاں نوں اک پلیٹ فارم لئی اکٹھا کرن وچ رُجھ گئے تے سندھ وسدے پنجابیاں دے حقاں لئی1990 وچ پنجابی  تنظیم پنجابی لوک سیوا سندھ پاکستان منظم کیتی تے نال ہی پنجاب،پنجابی زبان دے حقاں لئ تے پنجاب دی ونڈ دے خلاف تحریک مزاحمت لئی پنجابیاں نوں منظم کرنا شروع کیتا۔   1990 دی دہائی وچ ہی کہوٹ ہوراں پنجاب تے پنجابی دے حقاں لئی کراچی توں پنجابی ،اردو ،انگریزی مہینہ وار نیوز میگزین جینئیس بطور ایڈیٹر تے پبلشر چھاپنا شروع کیتا ۔ 1990 وچ  ہی پنجاب دی ونڈ دے خلاف اہناں دا سلسلہ وار مضموناں دا سلسلہ نوائے وقت کراچی وچ وی چھپنا شروع ہویا۔ تے ایس سلسلے وچ  31 دسمبر 1992نوں  پنجابی لوک سیوا نے دے موڈھی تے چیئرمین تے پنجابی سپریم کونسل سندھ دے سیکرٹری جنرل دی حیثیت نال  پنجاب دی تاریخ  وچ پہلی واری کسے پنجابی قوم پرست نے لاہور پریس وچ پریس کانفرنس وچ پنجاب دی ونڈ دے خلاف تحریک مزاحمت قومی  پدھر اتے منظم کرن دا اعلان کردتا۔ ایس توں پہلاں پنجاب دی تاریخ وچ پنجاب دی ونڈ تے پنجاب تے پنجابی حقاں لئی کسی سیاسی  تے قوم پرست پنجابی تحریک دا کوئی ناں نشاں نہیں ملدا۔پنجاب دی کسے وی قسم دی ونڈ دے خلاف تحریک مزاحمت نوں دوجے مرحلے وچ کہوٹ نے کراچی سندھ توں اپنے ساتھیاں نال لاہور آکے 8 اگست 2009 نوں پنجابی نیشل کانفرنس دا مڈھ بنھیا تے لہور وچ اسے تاریخ نوں پنجاب دی تاریخ وچ پہلی واری پنجاب دی تقسیم دے خلاف اک نویکلی کانفرنس پنجاب دی سالمیت دے سرناویں ہیٹھ دا سربندھ کیتا جہدے کیتا۔ 2009 وچ کہوٹ کینیڈا توں واپس لہور شفٹ ہوکے پنجاب وچ پنجابی لینگوئج موومنٹ (پنجابی زبان تحریک نوں عوامی پدھر اُتے منظم کرنا شروع کیتا تے 31 اگست 2010 نوں لہور پریس کلب وچ اک پریس کانفرنس وچ پنجابی لینگوئج موومنٹ (پنجابی زبان تحریک) دے قیام دا اعلان کیتا۔ 21 فروری 2011 نوں پنجاب دی تاریخ وچ پہلی واری پنجابی زبان دے غصب شدہ آئینی تے قانونی حقاں دی بحالی لئی پنجابی زبان تحریک دے سربندھ نال پنجاب اسمبلی دے سامنے بھک ہڑتال کیتی گئی تے احتجاجی دھرنا دتا گیا۔ اسے سال پنجاب دی معلوم تاریخ وچ پہلی واری نظیر کہوٹ نے پنجابی زبان تحریک دی چھترچھاویں لہور وچ پنجاب دی معلوم تاریخ وچ پہلا پنجابی کلچرڈے (Punjabi Cultural Day)وی لہوردیاں سڑکاں اُتے مناون دی شروعات کیتی کرکے پنجابی رہتلی دیہاڑ دا پنجاب وچ مڈھ بنھیا.۔

سوشل میڈیا اُتے 2008 وچ کہوٹ نے پنجابی لینگوئج موومنٹ پنجابی قوم پرست تحریک تے پنجابی قوم پرستی دی تحریک تے پنجاب دی ونڈ دے خلاف تحریک دے موڈھی ہین ۔ پنجاب دی تاریخ وچ پہلی واری 29 مارچ دے دن نوں “پنجاب دا کالا دیہاڑ”دے طور تے مناون دا مڈھ وی کہوٹ نے ہی بنھیا تے کینیڈا دی مردم شماریاں 2017 تے 2021 وچ پنجابی مسلماناں دی زبان بدل کے اڑدو کرن دی پنجابی سکھاں دی زبان ہے دی غیرقانونی مہم۔ جہدے مگروں کینیڈا وچ اردو پنجابی لسانی تنازعہ اٹھ کھلوتا نوں کچل کے رکھد دتا۔ غرض کہوٹ دی ساری حیاتی پنجاب،پنجابی زبان ،رہتل تے پنجابی زبان دی بقا دی جنگ لڑن وچ ہی گذری ۔کہوٹ اپنے آپ نوں پنجابی قوم پرستی دا مبلغ یا تبلیغی سمجھدا۔کہوٹ دا
کہنا ہے کہ پنجابی قوم پرستی دے فروغ لئی پنجابی سوجھواناں ،لکھاریاں ،سیوکاں ،قوم پرستاں تے شاعراں نوں تبلیغیاں وانگ تبلییغی جماعت وانگ منظم ہوکے سارے پنجاب وچ کم کرنا پینا تے سانوں پنجاب ،پنجابی تے پنجابیت دی تبلیغ اک مشن بنا کے کرنی پینی فیر پنجاب ،پنجابی زبان ،پنجابی رہتل تے پنجابی قوم نے بچنا نہیں تے نہیں ۔
پنجاب وچ قیام پاکستان توں لے کے اج تائیں ہوون والیاں انجئیرڈ مردم شماریاں دے ذریعے پنجابی اکثریت دی زبان بدل کے اردو کرن تے اہنوں اقلیت وچ بدلن دی دی سازش دا پردہ وی کہوٹ نے پہلی واری 2011 وچ پاڑیا۔

چوہدری نظیر کہوٹ ہی پنجاب دے قومی بیانیہ دا خالق تے موڈھی ہے ۔ جہدے مطابق پنجاب پنجابیاں دی قومی دیس،نویکلی مالکی ،وراثت ،جوہ تے ساڈے پرکھاں دا قدیم وطن تے دھرتی ماں ہے ۔ پنجاب صدیاں توں اک ناقابل تقسیم نسلی ،لسانی ،انتظامی ،ثقافتی،جغرافیائی ،تاریخی تے قومی وحدت ہے ۔پنجاب دا ہروسنیک پنجابی ہے ۔پنجاب وچ کوئی غیرپنجابی نہیں ۔جیہڑا اپنے آپ نوں پنجابی نہیں سمنجھدا او پنجاب دا غدار تے دشمن ہے پنجاب چھڈ دوے۔ پنجاب دی مادری زبان پنجابی نوں پنجاب دی تعلیمی سرکاری عدالتی پارلیمانی تے میڈیا دی زبان نہ بنایا گیا تے پنجاب تے پنجابی دا ناں نشان وی مٹ جانا۔ اڑدو دا پنجاب وچ کوئی کم نہیں ایہ پنجاب وچ اک باہری تے غیرزبان ہے جیہڑی پنجاب دی ماں بولی پنجابی دا آئینی قانونی حق غصب کیتی بیٹھی تے جہدے ذریعے پنجابیاں دی زبان تے نسل بدل لے ریاست دی نگرانی وچ گذرے 1849 توں پنجابیاں دی نسلی لسانی نسل کشی کیتی جارہی ۔ پنجاب وچ پنجابی دے نال نال عالمی زبان انگریزی تے پنجابیاں دی مذہبی زبان عربی توں اڈ کے ہور زبان دی کوئی ضرورت نہیں۔اڑدو پاکستان دی قومی تے رابطے دی زبان ہے جہدے اُتے سانوں کوئی اعتراض نہیں ۔صوبہ سرحد دے پنجابی بولن والے علاقے پنجاب نوں واپس کیتے جان ۔تے ریاست پنجابی زبان نوں پنجاب تے پاکستان وچ مکاون لئی پنجابی زبان دا حق دین دی تھاں پنجابی دے لہجیاں نوں وکھریاں زباناں بنا کے پنجابی زبان دے قتل دی ذمہ دارہے۔پنجابیاں دے ٹیکساں دی کمائی اُتے پنجاب وچ غیرزباناں نوں ودھاوا دتا جا رہیا تے منظم منصوبے تے تحتپنجابی زبان دی جڑ ماری جا رہی ۔ پنجاب حکومت غیرقانونی اڑدو لینگوئج ایکٹ ختم کرکے اہدی تھاں پنجابی لینگوئج ایکٹ منظور کرے ۔پنجابی لینگوئج اتھارٹی قائم کرے ،پنجاب لینگوئج کمشنر مقررکرے تے پنجاب دے سارے اڑدومیڈیم سکولاں نوں پنجابی میڈیم سکولاں وچ تبدیل کرے ۔پنجاب وچ غیرپنجابیاں تے پناہگیراں دی غیرقانونی آبادکاری فوری طور تے بند ہونی چاہی دی ۔ تے سندھ ،بلوچستان،سرحد،افغانستان تے انڈیا دے جے پناہگیر پنجاب دی ونڈ دے جنوبی پنجاب صوبہ بناون تے پنجاب دی مجرمانہ ونڈ دیاں سازشاں کررہے نیں اہناں نوں پنجابوں کڈھ کے اہناں دے ملکاں نوں واپس ٹورو۔جنوبی پنجاب وچوں جاگیرداری ،سرداری،گدی نشینی مکاو، پنجاب نہیں جاگیراں ونڈا۔ایہ نعرہ کہوٹ دا ہی دتا ہویا ہے ۔

کہوٹ پاکستان دیاں چاروڈیاں سیاسی پارٹیاں پی ٹی آئی ، ن لیگ، پی پی تے ق لیگ نوں پنجاب دا دشمن سمجھیندا ہے ۔اوہدا آکھنا ہے کہ پی ٹی آئی ، ن لیگ، پی پی تے ق لیگ ایہ چارے سیاسی پارٹیاں پنجاب دی سالمیت تے قومی وحدت اُتے حملہ آور ہین اہناں چاراں پنجاب دشمناں ،پنجاب فروشاں ،غدراں سامراجی گماشتیاِ ایسٹ انڈیا کمپنی دے پالیاں دا جنہاں پنجاب اسمبلی ،قومی اسمبلی تے سینیٹ وچ پنجاب دے دو تن ٹوٹے کرن صوبے بناون دیاں پنجاب دی مجرمانہ ونڈ دیاں غیرقانونی غیرآئینی قرارداداں جمع کروا رکھیاں نیں ایس لئی پنجاب وچ اہناں دے وجود داکوئی جواز نہیں ۔جہناں لئی کہوٹ آکھدا ہے کہ
ماں بولی دھرتی ماں قوم اپنی نال جو کردا پیار نہیں
سب کجھ ہوسکدا پر او غدار کسے دا یار نہیں وفادار نہیں

کہوٹ اپنی ماں بولی تے دھرتی ماں نال جڑت دا اظہار بھرویں طریقے نال کجھ ایسراں کردا کہ

پنجاب،پنجابی تے پنجابیت دی تبلیـغ تے ووھاوے لئی نظیر کہوٹ دیاں ایس ویلے چار پنجابی ویب سائٹاں آن لائن چل رہیاں نیں ۔
“جان جاندی تےجاوے پرماں بولی تےدھرتی ماں نہ جاوے”

www.punjabilanguagemovement.org

www.Punjabics.com

www.nazeerkahutvlogs.com

www.nazeerkahut.com
:اپنی ماں بولی تے دھرتی ماں دے اگے کہوٹ لئی کسے شے دی کوئی اہمیت نہیں جدوں او ایہ آکھدا ہے کہ
“اپنی ماں بولی تے دھرتی ماں دی حفاظت دی خاطر میں ساری دنیا نوں اگ لا سکداں”
پنجاب زندہ باد تے جیوے پنجاب سدا جیوے ، پنجاب دی ونڈ نا منظور، پنجاب نہیں جاگیراں ونڈو، پنجابی زبان زندہ باد جہے نعریاں دے خالق ، پنجاب دی ونڈ دے خلاف 1990 وچ تحریک تحریک مزاحمت پنجابی لوک سیوا،پنجابی زبان دے حقاں لئی پنجابی لینگوئج موومنٹ(پنجابی زبان تحریک) 2010تے پنجاب دی سالمیت تے قومی وحدت دی راکھی لئی پنجاب بچاوتحریک منظم کرن والا چوہدری نظیر کہوٹ اپنے پرکھاں دے قدیم دیس ،اپنی دھرتی ماں دی سالمیت تے قومی وحدت دی نوں ثابت سالم رکھن لئی کہوٹ دنیا دی ہرحد ٹپن نوں تیار ہے
دُدھ منگ سو تاں کھیردیساں
پنجاب منگ سو تاں چیر دیساں

نظیر کہوٹ دی ساری حیاتی پنجاب تے پنجابی دے حقاں لئی پنجابیاں نوں سرت تے جاگرتی دیندیاں تبلیغ کردیاں تے نال نال پنجاب تے پنجابی کاز لئی عملی کم کردیاں گذری ہے ۔ ایس لئی کہوٹ نوں بجا طور تے پنجاب دی ونڈ دے خلاف تحریک مزاحمت تے پنجابی زبان تحریک دا موڈھی ہوون دے نال نال جدید پنجابی قوم پرستی تے پنجابی قوم پرست تحریک دا خالق تےموڈھی سمجھیا جانداہے ۔ کہوٹ نے اک مردہ ہوئی پنجابی ادبی تحریک نوں پنجاب ،پنجابی زبان تے پنجابی قوم دے حقاں دی سیاسی تے مزاحمتی تحریک تے نال نال پنجابی قوم پرست تحریک تے پنجابی قوم پرستی وچ بدلیا۔ 1990 وچ کہوٹ دا تخیلق کیتا پنجابی قوم پرست تحریک دا نظریاتی تے فکریہ بیانیہ اج پنجاب دا قومی بیانیہ بن چکیا ہے ۔ جنہوں بدلن دیاں ڈونگھیاں سازشاں ہوئیاں پر اللہ دے حکم نال سارے سازشیاں دے مونہہ کالے ہوئے تے اج کہوٹ دا تخلیق کیتا ہویا پنجابی تحریک دا بیانیہ پنجاب دا قومی بیانیہ بن چکیا ہے ۔ اتے بیان کیتیاں گیاں ایہا او ناقابل تردید حقیقتاں ہین جہناں دی وجہ توں ایہا وہ حقیتاں ہین جنہاں دی وجہ توں اج کہوٹ نوں بجا طور تے جدید پنجابی قوم پرستی تے پنجابی قوم پرست تحریک دا خالق تے موڈھی سمجھیاجاندا ہے۔