پی ٹی آئی ،ن لیگ، پی پی ،ق لیگ ۔ایم کیوایم، پنجاب اسمبلی ،قومی اسمبلی ،سینیٹ آف پاکستان, پناہگیرتے آڑدو میڈیا پنجاب دی ونڈ غیرآئینی ،غیرقانونی ،مجرمانہ ونڈ دی سازش دے مجرم ہین ۔ ایس لئی کہ پنجاب صدیاں توں اک ناقابل تقسیم نسلی ،لسانی ،ثقافتی ، انتظامی ، جغرافیائی قوم وحدت تے پنجابیاں دا قوم دیس تے ساڈے پرکھاں دا قدیم وطن نال اون والیاں پنجابی نسلاں دا محفوظ گھر تے قلعہ ہے ۔ جہدی کسے بھی قسم دی ونڈ دی بھانویں لسانی ہووے یا انتظامی دی اجازت کسے کتے بلے نوں کدی نہیں دتی جا سکدی ۔ پنجاب دی ونڈ دی گل کرنا پنجاب دی سالمیت تے قومی وحدت اُتے دشمناں دا حملہ ہے ۔ پنجابپ ,نجابی قوم دے خلاف اعلان جنگ ہے ۔ پاکستان وچ پنجاب نوں تقسیم درتقسیم کرکے ،پنجابی زبان دا قتل کرکے ،ہمیشہ لئی ختم کرکے ،پنجاب دے دریا ویچ کے ، پنجاب دے پانی غیراں وچ ونڈ کے ، پنجاب نوں جدید علماں،کمپویٹر سائنس، ٹیکنالوجی ،ماں بولی تے انگریزی دی تعلیم توں محروم رکھ کے نویں پنجابی نسل نوں منظم سازش دے تحت ریاستی نگرانی وچ قومی زبان دی اوٹ وچ اڑدو میڈیم بناکے پچھڑیا،جاہل،بھکاننگا،غریب، بے روزگار، جرائم پیشہ تے دہشت گرد بنایا جا رہیا۔پنجابی اکثریت دی منظم نسلی تے لسانی نسل کشی تے دہشت گردی دے ذریعے پنجاب دی مادری زبان بدل کے اڑدو کیتی جا رہی .

کیہ پنجابیاں نے پنجابی اپنی ماں بولی دا قتل کرواکے ،پنجاب نوں تقسم در تقسم کرواکے ،اپنی ماں بولی بدل اُڑدو کرکے ہمیشہ لئی ختم کرواکے ،اپنی ماں بولی بدل کے اڑدوکرکے دنیا وچوں اپناں ناں نشان مٹان لئی خودکشی کرن توں رکنا یا نہیں جے نہیں رُکنا فیر مرنا ہے ہورکوئی راہ نہیں .کراچی ،سندھ ،بلوچستان ،خیبرپختونخواہ وچ تے کسے پنجابی دا وجود اگلے برداشت کرن نوں تیار نہیں۔ اتھوں تے تہاڈیاں لاشاں اوندیاں نیں ۔تے پنجاب تسیں دشمناں اگے سرنڈرکرکے اگے کتھے جانا ۔انڈیا جاناہےیا مرناہے ہور تے تہاڈے پاکستان وچ بچن دا کوئی راہ نہیں ۔جے کوئی راہ ہے تے او اکو ہے کہ اٹھ کے پنجاب دی ونڈ ڈک دیو۔پنجابوں اڑدو مکا کے پنجابی زبان نوں پنجاب دی تعلیمی سرکاری ،عدالتی ،دفتری زبان بنا دیو۔پنجاب دی قومی وحدت، سالمیت، پنجابی زبان تے پنجابی رہتل اُتے حملہ آور پی ٹی آئی ، ن لیگ ، پی پی تے ماں بولی دا حق غصب کرن والی باہری زبان دا پنجابوں ناں نشان مٹا دیو ۔

پنجاب وچ جدید علم سائنس ،ٹیکنالوجی، آئی ٹی ،فنانس،ریسرچ ماں بولی دے نال نال انگریزی زبان وچ عام کردیو۔ ہر پنجابی بال نوں اڑدو نہیں پنجابی تے انگریزی بولن والا دنیا لئی اہنوں ذہانت ،علمیت ،تہذیب ،قابلیت تے اہلیت دی طاقتور علامت بنا دیو۔جنہاں اگے کوئی نہ ٹھہر سکے ۔

پنجاب دی قومی وحدت،سالمیت،پنجابی زبان تے پنجابی رہتل اُتے حملہ آورپنجاب دی ونڈ دی سازش دیاں مجرم پاکستانی سیاسی پارٹیاں پی ٹی آئی ، ن لیگ ، پی پی ،اڑدو میڈیا، پنجاب اسمبلی ، قومی اسمبلی تے سینٹ دے خلاف ،پنجابی قوم دے آئینی قانونی ،انسانی جمہوری تے جنمی حق ٖغصب کرن والیاں سرکاراں ،پنجابی لینگوئج ایکٹ دی تھاں اڑدو لینگوئج ایکٹ منظور کرکے پنجاب وچ پنجابی زبان دے قتل تے کفن دفن دا بندوبست کرن والی کرپٹ ،غدار ،پنجاب فروش پنجاب اسمبلی ،پنجابیاں دے ٹیکساں دی کمائی نال پنجابی زبان دی تھاں اڑدو دی ترویج و ترقی وچ رُجھی ،پنجابی نوں پنجابوں دیس نکالا دین والی , پنجابی کلچرڈے دی تھاں ون سونے کلچرڈے منا کے پنجاب دے پنجابی ہوون توں انکار کرن والی تے پنجابی رہتل دا تماشا بناون والی ماں بولی دی دشمن پنجاب سرکار دے خلاف ,پنجاب دی ونڈ دی سازش دے اہناں مجرماں دے خلاف پنجابی لینگوئج موومنٹ دا(پنجابی زبان تحریک ) تے پنجاب بچاو تحریک دا اعلان جنگ ہے ۔

جدوں تائیں پنجاب دی ونڈ دی سازش پاکستان وچ نہیں مکدی ، پنجاب اسمبلی قومی اسمبلی ،سینٹ،سیاسی پارٹیاں ، اڑدو میڈیا ، پنجاب دشمن طاقتاں پنجاب دی ونڈ دی سازش نہیں ڈکدیاں تے پنجاب دی ونڈ دیاں قراداداں تے ایجندے سرنڈر نہیں کردیاں ، جدوں تائیں اڑدو لینگوئج ایکٹ ختم کرکے اہدی تھاں پنجابی لینگوئج ایکٹ لاگو نہیں کیتا جاندا ،جدوں تائیں پنجاب دی مڈھلی تعلیمی سرکاری عدالتی ،پارلیمانی تے میڈیا دی زبان پنجابی نوں نہیں بنایا جاندا،جدوں پنجاب وچوں اڑدو نوں مکا کے سارے جدید علم پنجابی بالاں نوں انگریزی وچ نہیں پڑھائے سکھائے جاندے ،جدوں تائیں پنجاب وچوں جاگیرداری ،گدی نشینی ،سرداری دا قبائلی سامراجی انسان دشمن نظام تے جاگیراں ختم کرنے اوس علاقے دے بے زمین کساناں ،مزارئیاں تے عورتاں وچ نہیں ونڈیاں جاندیاں ۔ جدوں تائیں اختیارات ،وسائل،ملازمتاں تے دولت دی مساوی تے منصفانہ تقسیم سارے پنجاب دے ہرعلاقے ہر ڈویژن ہر تحصیل ہر پنڈ گراں تائیں نہیں اپڑدی ،جدوں تائیں جدوں تائیں پنجاب دی زراعت،معیشت، سیاحت، انڈسٹری نوں ،پولیس، بیوروکریسی، عدالتی نظام، ٹرانسپورٹ، زرائع آمدو رفت، آبی نظام ، وسائل ،روزگار دے موقعیاں ،تعلیم ،صحت،ٹیکس کلیکشن، لاایند آرڈر، نظام انصاف عالمی ٹکر دا نہیں بنایا جاندا۔ جدوں تائیں پنجاب وچ ہر بندے نوں علاج ،تعلیم،صحت دی مڈھلی سہولت سرکار ولوں مفت نہیں ملدی ،اہلیت صلاحیت تے تجربے نوں معیار نہیں بنایا جاندا۔پنجاب وچ ہر شعبہ زندگی وچ اصلاحات نہیں کیتیاں جاندیاں ۔ جدوں تائیں عورتاں تے بالاں اُتے اقلیتیاں اُتے ظلم بند نہیں ہوندے ،پاکستان بنن مگروں اج تائیں چلدی فراڈ مردم شماریاں راہیں نسلی لسانی نسل کشی کرکے پنجاب وچ ہی پنجابی اکثریت نوں اقلیت وچ بدلن دی منظم گھناونی سازش جدوں تائیں بند نہیں ہوندی ۔پنجاب وچ غیرپنجابیاں دی غیرقانونی جبری آبادکاری بند نہیں ہوندی ۔ جدوں تائین پنجاب نوں جرمنی ،کینیڈا تے فرانس دے ٹکر دا علاقہ نہیں بنایا جاندا اودوں تائین ساڈی جنگ اہناں پنجاب دشمناں ،پاکستان دشمناں،انسان دشمناں ماں بولی دے دشمناں پنجاب فروشاں ،غداراں دے خلاف چلدی رہنی ۔

ایسٹ انڈیا کمپنی دے پالے سامراجی گماشتیاں ، جاگیرداراں ،گدی نشیناں، سٹیٹس کو دے ہتھ ٹوکیاں ،کرپٹ ،جاہل جھوٹے حاکماں دے خلاف، ظلم ،جبر،ناانصافی تے لُٹ مار اُتے کھلوتے ایس پنجابی دشمن ،پنجاب دشمن ،عوام دشمن ،انسان دشمن اسلام دشمن ، پاکستان دشمن نظام دے خلاف ساڈااعلان جنگ ہے۔جے پنجاب ہے میری دھرتی ماں دی قومی وحدت سالمیت باقی ہے ۔جے پنجابی پنجاب دی تعلیمی ،سرکاری ، عدالتی زبان ہے تے سب کجھ ہے جے نہیں تے کجھ نہیں ککھ نہیں ۔ جے ایہ سب کجھ نہیں تے فیر باقی دے سب کجھ نوں میں اگ لانی ۔ کیہ کرنا؟
چوہدری نظیر کہوٹ
کنوینر پنجابی لینگوئج موومنٹ (پنجابی زبان تحریک )
چیف آرگنائیزر پنجاب بچاو تحریک