The Punjabi Language Movement launched
On December 31, 2010, the Punjabi Language Movement was launched in Lahore. The following is the complete transcript of the news conference held at the Lahore Press Club on December 32, 2010, and addressed by Chaudhry Nazeer Kahut, the founder of the Punjabi Language Movement.
Punjabi Language Movement's Aims and objectives and 34 demands
پنجابی زبان تحریک دیاں منگاں،پروگرام تے ایجنڈا
(1)
پنجاب دے تعلیمی ،سرکاری تے عدالتی نظام دی لسانی آفیشلائزیشن ، پنجابیالائزیشن ، پنجابی زبان نوں سرکاری تے ریاستی تحفظ دین، ایہدی ترقی لئی ادارے قائم دی غرض نال پنجاب اسمبلی وچ فوری طو ر تے چارٹر آف پنجابی لینگوئج یاپنجابی لینگوئج ایکٹ پیش کیتا جائے۔ تے قانون سازی کر کے اکثریتی پنجابی زبان نوںپنجاب دی مڈھلی تعلیم ، سرکار، انتظامیہ ،عدلیہ تے مقننہ دی نویکلی زبان قرار دتا جائے۔
(2)
پنجابی زبان نوں پنجاب دی مڈھلی تعلیمی ،سرکاری تے عدالتی زبان دے طورتے عملانافذ کیتا جائے۔ پنجاب وچ مادری زبان وچ تعلیم دین اُتے150 سال توں لگی ظالمانہ ریاستی پابندی ختم کیتی جائے۔ تے وفاق تے پنجاب سرکار ، سٹیبلشمنٹ تے حاکم ٹولہ پنجابی زبان دے خلاف ریاستی دہشت گردی تے ایہدا قتلام بند کرے۔پنجاب اسمبلی اپنی سرکاری،غیر سرکاری کاروائی، لکھت پڑھت تے گل بات لئی مکمل طور پنجابی زبان اختیار کرے ۔تے جیہڑی کاروائی ایہدے بنن توں اج تائیں ہوئی اے اوہنوں پنجابی وچ کرے۔تے اپنی دھرتی ماں دی ماں بولی دے خلاف لسانی جرائم کرن تے پنجابی قوم کولوں معافی وی منگے۔تے ایناں جرماں لئی معافی تے شرمندگی تے اظہار دے طور تے پنج منٹ دی خاموشی اختیار کرے۔
(3)
پنجاب دی ونڈ نامنظور۔
پنجاب دی کسے وی قسم دی اک ہور ونڈ بھانویں او انتظامی ہووے یا لسانی سختی نال ردکردی ۔ تے سارے پنجاب وچ پنجاب دی ونڈ نامنظور دی تحریک شروع کیتی جائیگی۔پنجاب اسمبلی،قومی اسمبلی تے سینیٹ پنجاب دی ونڈ دیاں قرارداداں فوری طور تے واپس لین ۔ پنجاب اک ناقابل تقسیم ،نسلی،لسانی ،ثقافتی، انتظامی وحدت ہے ۔ ۔پنجاب دے سب وسنیک پنجابی ہیں ۔جیہڑا اپنے آپ نوں پنجابی نہیں سمنجھدا او پنجاب چھڈ دوے ۔پنجاب دی ونڈ دئ گل کرن والے غدار موت دے حقدار ہیں ایس لئی کہ ن لیگ ،پی پی ،پی ٹی آئی ،ق لیگ کسے وی سیاسی پارٹی کول پنجاب دی ونڈ دا کوئی مینڈیٹ نہیں ۔ بارہ کروڑ پنجابیاں نے کسے ادارے،بندے یا سیاسی پارٹی نوں پنجاب دی ونڈ دا کوئی اختیار نہیں دتا ۔ایس لئی پنجاب دی ونڈ اک غیرآئینی غیرقانونی فعل تے پنجاب دی قومی وحدت تے سالمیت اُتے حملہ ہے ۔
(4)
وفاق پاکستان اپنے بنن توں اج تائیں ملک دی اکثریتی زبان دا حق مار رہیا۔ایہدے خلاف لسانی دہشت گردی کر رہیا تے اوہنوں ختم کرن لئی تے اوہدے خلاف سازشاں کر رہیا۔ پنجابی زبان جہنوں کہ پاکستان دی میجارٹی زبان دے حیثیت نال پاکستان دی قومی تے سرکاری زبان ہونا چاہی دا سی اوہدا آئینی تے قانونی حق غصب کیتی بیٹھا اے۔وفاق اپنے دس کروڑ شہریاں دی تے میجارٹی دی ماں بولی دے خلاف خلاف امتیازی سلوک تعصب، لسان کشی ، استحصال تے ریاستی دہشت گردی جہے غیرانسانی جرائم کرن لئی سرکاری طور تے معافی منگے تے معافی دی قرار داد پارلیمنٹ دا مشترکہ اجلاس وی منظور کرے۔
(5)
پنجاب سرکارپنجابی زبان نوں تحفظ تے ودھاوا دین لئی پنجابی سکول ،کالج، تِن پنجابی یونیورسٹیاں(پنجابی یونیورسٹی آف لہور ،پنجابی یونیورسٹی آف ملتان تے پنجابی یونیورسٹی آف ٹیکسلا)، پنجابی لینگوئج اتھارٹی ،پنجابی لینگؤئج منسٹری،پنجابی لینگوئج پالیسی اینڈ پلاننگ کمشن،پنجابی لینگوئج ٹیکسٹ بک بورڈ ،پنجابی اکیڈمی آف لیٹرز، پنجابی کلچرل سینٹرز بناوے ۔
(6)
پنجاب یونی ورسٹی وچ شعبہ پنجابیالوجی قائم کیتا جاوے ۔
(7)
پنجاب سرکار پنجابی زبان تے کلچر نوں ودھاوا دین لئی تِن نویں تے جدید ترین شہر پنجابی کلچرل سٹی دے ناں نال لہور، ملتان تے ٹیکسلا وچ بناوے ۔
(8)
پنجاب سرکار ساری دنیا وچ ویکھے تے سنے جان والے پنجابی ٹی وی چینلز، ایف ایم ریڈیو سٹیشنز قائم کرے
(9)
1951،1961 , 1972وچ ہون والی مرد م شماریاں وچ وفاق نے منظم سازش دے تحت ملک وچ پنجابی بولن والی آبادی دی گنتری تے پنجاب دی آبادی گھٹاون لئی پنجابی زبان دے لہجیاں نوںالگ زباناں قرار دے کے اُہناں لئی مردم شماری دے فارم وچ مادری زبان دے وکھرے خانے بنا دتے ۔پنجاب سرکار آون والی مردم شماری وچ پنجاب دے عوام نوں جاگرتی دین لئی کہ مردم شماری دے مادری زبان والے خانے وچ اپنی مادری زبان پنجابی لکھوـ دی سرکاری پدھر اُتے مہم شروع کرے ۔
(10)
وفاق ولوں پنجابی زبان دیاں لہجیاں نوں وکھریاں زباناں قرار دے کے پنجابی زبان نوں ختم کر ن دی سازش1951 توں کیتی جا رہی اے ۔وفاق پنجابی زبان دیاں لہجیاں نوں مردم شماری دے مادری زبان دے خانے وچوں خارج کرے ۔ وفاق پنجاب دی آبادی دھوکے تے فراڈنال کم کرن تے پنجابی زبان نوں ختم کرن دی سازش بند کرے نالے وفاق تے آزادی توں لے کے اج تائیں پنجاب دیاں ساریاں سرکاراںپنجابی دے خلاف کیتے گئے جُرماں تے پنجابی قوم کولوںمعافی منگن۔
(11)
وفاقی تے صوبائی سرکاراں تے پرائیوٹ سیکٹر، پرنٹ تے الیکٹرانک میڈیا نوں پنجاب لئی اشتہار پنجابی زبان وچ اِشو کرن دی پالیسی سرکاری کر کے اپناوے۔ ماں بولی دے ودھاوے لئی پنجابی اخباراں تے رسالیاںنوں ترجیحی بنیاداں تے اشتہار دتے جان۔
(12)
نادرا فور ی طور تے پنجابی زبان وچ شناختی کارڈ جاری کرنا شروع کرے۔تے پنجاب وچ جیہڑے شناختی کارڈ بن چکے نیں اوہناں نوں کینسل کر کے پنجابی وچ نویں سروں اِشو کرے۔تے پنجابیاں دی ماں بولی یعنی پنجابی زبان دا آےئنی تے قانونی حق غصب کرن تے پنجابی قوم کولوں معافی منگے۔جے شناختی کارڈ سندھی وچ بن سکدا اے تے فیر پنجابی،پشتو تے بلوچی وچ کیوںنہیں بن سکدا۔
(13)
ریڈیو پاکستان تے پاکستان ٹیلی ویژن فوری طور تے ساری دنیا وچ ویکھے تے سنے جاون والے کل وقتی ریڈیو پاکستان پنجابی دے ناں توںپنجابی زبان دے ایف ایم ریڈیو سٹیشن تے پی ٹی وی پنجابی شروع کرے۔ نہیںدس کروڑ پنجابیاں دی ماں بولی دا جماندرو حق غصب کرنا والے ادارے پنجاب وچ بند کیتے جاون ۔
(14)
پنجاب دے سارے تعلیمی اداریاںوچ پنجابی زبان دیاں کلاساں لئی لئے مطلوبہ گنتری وچ پنجابی استاد اں نوں ملازمتاں دتیاں جاون تے کوالیفأائڈ تے بے روزگار پنجابی استاداں نوں فوری طور تے ملازمتاںدتیاںجان ۔
(15)
دھرتی ماں پنجاب تے پنجابی قوم دا لسانی قتلام تے ثقافتی قتلام ( Lingual Culturalgenocide) بند کیتا جاوے ۔پنجاب دے سرکاری سکولاں دے نال نال پنجابی زبان نوں پنجاب دے پرائیوٹ سکولاں وچ وی لازمی مضمون دے طور تے پڑھائیا جاوے۔ تے اوہناں سارے پرائیویٹ سکولاں دیرجسٹریشن کینسل کیتی جاوے جیہڑے پنجاب وچ پنجابی نوں لازمی مضمون دے طور تے نہیں پڑھا رہے۔پنجاب دے بالاں نوں چار چار زباناں تے اوہناں وچ فضول قسم دے غیر پنجابی لوکاں بارے پڑھا کے اوہناں نوں برین واش کرن ،اوہناں دیاں ذہنی صلاحیتاں نوں تباہ کرن اوہناں نوں کنفیوز کر کے گمراہ کرن ، اپنی دھرتی ماں توں وکھ کرن تے اپنے کلچر توں دور وکھن تے اوہناں دی پنجابی شناخت کھون دی شرمناک ریاستی دہشت گردی فوری بند کیتی جاوے۔
(16)
دنیا دا اعلی ادب تے کلاسیکی ادبی ورثہ نالے سائنس دے سارے علم پنجابی وچ ترجمہ کیتے جاون ۔تے ایس مقصد لئی پنجاب سرکار اک وکھرا ادارہ بناوے۔
(17)
پنجابی زبان دا پرنٹ تے الیکٹرانک میڈیا قایم کیتا جاوے ایس کم لئی پنجابی سرمایہ دار اگے اون تے اپنی دھرتی ماں تے اپنی ماں بولی دا قرض اتارن ۔
(18)
پنجابی فلم نوں مقابلے تے لیان لئی جدید سٹوڈیوز تے تربیتی ادارے قائم کیتے جان تے فلمی صنعت وچوں غنڈہ گردی ختم کیتی جاوے ۔تاں جے پڑھے لکھے لوکاں نوں ایس میدان وچ اگے اون دا حوصلہ تے ہلا شیری ملے ۔
(19)
پنجاب سرکار پنجا ب دی جی ڈی پی کا 10% پنجابی زبان،پنجابی زبان دی تعلیم تے پنجابی کلچر دے ودھاوے لئی وکھرا رکھے ۔ تے پنجاب انسٹیٹیوٹ دے بورڈ آف ڈائریکٹرز وچ سینئیر پنجابی سوجھواناں تے لکھاریاںنوں شامل کیتا جاوے ۔
(20)
پنجابی بزنس کمیونٹی اپنی ماں بولی دا قرض اتارے۔تے پنجابی چینل ،ایف ایم ریڈیو سٹیشن تے پنجابی ا خبار شرو ع کرے ۔
(21)
پنجابی دے ودھاوے لئی ماں بولی نوں بچاون لئی جو وی کیتا جاوے گھٹ اے۔ جنگی بنیاداں تے کم کرن دی ضرورت اے عرباں روپے دی فنڈ دین دی لوڑ اے ۔ماں بولی دے وڈے وے ادارے بناون دی لوڑ اے ۔ پنجابی سکول کالج یونیورسٹیاں،ریسرچ سینٹر،شعبے قائم کیتے جاون ۔پنجاب وچ ودھ توں ودھ پنجابی ٹی وی چینل لانچ کیتے جان،پنجابی وچ ودھ توں ودھ اخبار تے کتاباں چھاپیاں جان۔پنجابی لکھاری،سوجھوان،کامے کھوجکار تے خاص کر نویں نسل پورے جوش،جذبے تے شوق نال اپنی ماں بولی نال جڑن ۔پنجابی زبان دی ترقی لئی پنجابی ادب خاص کر نثر نوں ودھاوا دینا ضرور اے۔
(22)
پنجابی سافٹ وئیر ہونا چاہی دا،پنجابی سر چ انجن ہونا چاہی د اے۔کمپیوٹر،ٹیکنالوجی،انٹر نیٹ،کمیونیکشن تے ایس سپیس ایج وچ پنجابی نوں ہر شعبے دی زبان ہونا چاہی دا۔
(23)
پنجاب دیاں سڑکاں ،گلیاں تے شاہرانواں دے غیر مقامی ناں بدل دتے جان پنجاب دے قومی ہیروز،صوفی شاعراں،لکھاریاں تے پنجاب دی شناخت تے ایہدی تاریخ دے حوالیاں والے نال مقامی نام رکھے جاون تے پنجابی وچ لکھے جاون۔
(24)
پچھلے7 ہزار سال وچ پنجاب دی دھرتی اُتے ہوون والیاں ساریاں جنگا ں تے قتلاماں دے میداناں،تھانواں تے نشاناں اُتے تاریخٰی جنگی میوزیم بنائے جاون۔
(25)
پی آئی اے دیاں فلائٹاں ۔ائیرپورٹاں،ریلوے سٹیشناں،بس سٹینڈاں تے پبلک تھانواں اتے اعلان تے انفارمیشن پاکستان دی اکثریتی زبان پنجابی وچ دتی جاوے۔
(26)
شناختی کارڈ دے نال نال ،یو ٹیلٹی بلز،منی آرڈر فارم ،پٹواری رجسٹر تے عدالتاں دی لکھت پڑھت تے مقدمیاں دیا کاروئیاں پنجابی وچ کیتا جاوے۔موبائل فون کمپنیاں،پی ٹی سی ایل پنجاب وچ پنجابی زبان ورتن۔
(27)
پنجاب وچ کم کرن والیاں ساریاں سیاسی جماتاں تے اوہناں دیاں قیادتاں اپنے اپنے جلسے جلوس،اپنے پروگرام،اپنیاں تقریراں اپنے نعرے تے ساریاں کاروئیاں پنجابی وچ کرن نالے پنجابی کلچر تے زبان نوں ودھاوا دین لئی اپنیاں اپنیاں پارٹیاں وچ کلچر ل ونگ بناون۔ نہیں تے پنجابی قوم کولوں ووٹ منگنا چھڈ دین۔
(28)
بی بی سی فوری طور تے پنجابی سروس شروع کرے۔ تے پنجانی زبان دے خلاف اپنا متعصبانہ تے استحصالی رویہ درست کرے۔تے پندرہ کروڑ لوکاںدی ماں بولی نوںجان بجھ کے نظر انداز کرنا بند کرے۔
(29)
پنجابی کلچرل ڈےسارے پنجاب وچ سرکاری طور تے ہر سال پہلی وساکھ نوں منایا جاوئے ۔ تے اوس دیہاڑے سارے پنجاب وچ عام چھٹی کیتی جائے ۔پنجابی لینگوئج موومنٹ پنجاب دی معلوم تاریخ وچ سب توں پہلا پنجابی رہتلی دیہاڑ یعنی پنجابی کلچرل دے ایس سال پہلی وساکھ ۱۳ اپریل ۲۰۱۱ نوں عملی طور تے مناون داپراگرام فائنل کردتا جہدے وچ ساریاں پنجابی تنظیماں ،دانشور،لکھاری ،شاعر تے سیوک وچ گج کے رلت کرسن۔پنجاب سرکار پہلی وساکھ نوں سارے پنجاب وچ سرکاری طور تے پنجابی رہتلی دیہاڑ یعنی پنجابی کلچرل ڈے مناون دا اعلان کرے تے اوس دن سارے پنجابوچ سرکاری طور تے عام چھٹی دا اعلان کرے ۔
(30)
خیبر پختون خواہ دے پنجابی بولن والے علاقہ جات جنھاں وچ ہزارہ،ڈیرہ اسمائیل خان تے ٹانک شامل نیں ۔اُہناں نوں خیبر پختون خواہ توںوکھرا کر کے پنجاب وچ شامل کیتا جاوے ۔ایہ علاقے پنجابی بولن والیاں دے اکثریتی علاقے نیں تے پاکستان بنن توں پہلاں ہمیش توں تاریخی،لسانی تے ثقافتی طور تے ہمیشہ توںپنجاب دا حصہ نیں۔
(31)
پرنٹ تے الیکٹرانک میڈیا راہیں کجھ پنجاب دشمن متعصب نسلی دہشت گرد تے سامراجی گماشتے سامراجی ایجنڈے دے تحت پنجاب دی ونڈ دی گل کر کے پنجاب وچ خانہ جنگی کروان دا راہ پدھرا کر رہے نیں۔پنجاب دی تقسیم بھانویں لسانی ہووے یا انتظامی پاکستان توڑن دا سامراجی منصوبہ اے۔پنجاب نامعلوم ویلیاں توںاِک لسانی،اتنظامی،ثقافتی ،قومی تے تاریخی اکائی اے ۔پنجاب پنجابی قوم کی دھرتی ماں ہے۔ پنجابی قوم پنجاب یا کسی بھی صوبے دی لسانی یاانتظامی کسے بھی قسم دی ونڈ نوں سختی نال رد کردی اے ۔پنجاب نہیں جاگیراں ونڈو۔ پنجاب نہیں جاگیردار تے جاگیرداری مکاؤ۔دولت تے جاگیراں جاگیرداراں،سرداراں تے پیراںکولوں کھو کے بے زمین کساناں،مزارعیاں،کھیت مزدوراں ،بے روزگاراں تے غریباں وچ ونڈو۔
(32)
سندھی پنجابی،پشتو تے بلوچی نوں پاکستان دیاں قومی زبانیںقرار دتا جاوے۔تے پنجاب دے کالجاں وچ پنجابی دے نال نال سندھی،پشتو تے بلوچی زباناں نوں وی بطور مضمون پڑھایا جاوے۔
(33)
وفاقی اردو یونیورسٹی دے طرز تے وفاقی پنجابی یونیورسٹی،وفاقی سندھی یونیورسٹی،وفاقی بلوچی یونیورسٹی قائم کیتی جاوے۔ لازمی پنجابی مضمون دے نال نال سندھی،پشتو تے بلوچی زباناںنوں پنجاب دے کالجاں وچ اختیاری مضمون دے طور تے پڑھایا جاوے۔
(34)
قومی یک جہتی نوںودھاوا دین لئی ہر سال نیشنل لیول ـنیشنل کلچرل ڈے ـ منایا جائے۔ اسلام آباد دا ناں بدل کے نیو ٹیکسلا رکھیا جائے ۔انڈس ویلی دا ست ہزار سال قدیم کلچر ای پاکستان دا قومی کلچراے۔اینوں سرکاری طور تے پاکستان دا قومی کلچر متھیا جاوے ۔
۔۔۔۔۔۔۔۔۔۔۔۔۔۔
پنجابی زبان تحریک پنجاب وچ پنجابی زبان نوں ختم کرن دیاں وفاقی تے صوبائی سرکار دیاںسرکاری کوششاں دی کررڑی مذمت کردی اے تے منگ کردی اے دس کروڑ لوکاں دی ماں بولی پنجابی زبان نوں پنجاب دی تعلیمی،سرکاری تے عدالتی زبان بنایا جائے۔پنجاب وچ پنجابی زبان دی مڈھلی تعلیم اُتے لگی غیر اعلانیہ ،غیر آئینی اور غیر قانونی پابندی فوری ختم کیتی جاوے ۔،پنجابی زبان دے خلاف ڈیڈھ سو سال توں چلدی ریاستی دہشت گردی ،استحصال،لسان کشی تے امتیازی سلوک بند کیتا جائے ، دس کروڑ پنجابیاں دی دھرتی ماں نوں پنجاب نوں ،پنجابی قوم نوں،پنجابی بالاںنوں پنجاب دیاں آون والیاں نسلاں نوںاوہناں دی ماں بولی واپس کیتی جاوے۔ پنجابی زبان تحریک نے 2011 نو ں پنجابی زبان دے سال دے طور تے مناون دا فیصلہ کیتا اے
ساڈا نعر ہ اے ۔ماں بولی نال محبت کرن والے سارے پنجابی بھیناں تے بھرانواں نوں پنجابی زبان تحریک وچ رلت کرن دی درخواست اے۔ماں بولی سبھ دا سانجھا تے سارے پنجاب دا دس کروڑ پنجابیاں دا تے پاکستان دا سبھ توں وڈا مسئلہ اے۔پنجابی زبان تحریک پرامن عوامی تحریک چلا کے ماں بولی دے غصب کیتے ہوئے سارے آئینی،قانونی،جمہوری تے جماندرو حق لین دی دعوے دار اے۔ پنجابی مقدر اے۔جیوے پنجاب۔جیوے پنجابی
۔۔۔۔۔۔۔۔۔۔۔۔۔۔۔۔۔۔۔۔
آون والا کل پنجابی دا ے پنجابی زبان تحریک دےاں غرضاں،پروگرام تے ایجنڈ تے نالے سرکار نوں ماں بولی دے حق تسلیم کرن دی منگ کرن دے نال نال پنجابی زبان جیہڑی کہ پنجاب وچ تیزی نال مُک رہی اے نوں بچاون تے اوہد ے تحفظ تے ودھاوے لئی اُتے دتیاں گیاں اہم تجویزاں وی پیش کیتیاں۔ تے آکھیا جیہڑے لوک پنجاب وچ پنجابی زبان تعلیمی،سرکاری،عدالتی تے دفتری زبان بناون دی مخالفت دا ناپاک رولا پا رہے نیں اوہ پنجاب دے غدار، پنجابی قوم دے دشمن ، سامراجی گماشتے تے پاکستان دے دشمن تے اسلام دے دشمن نیں ۔ایہ پنجاب،پنجابیاں تے پنجابی زبان نال اوہا کجھ کر رہے نیں جو ایہناں نے مشرقی پاکستان، بنگالیاں تے بنگالی زبان نال کیتا۔ پنجابی زبان تحریک پر امن جدوجہد دے ذریعے پنجابی زبان دے غصب شدہ آئینی حقاں دی بحالی لئی لئے قائم کیتی گئی اے ۔اسیں ماں بولی دا مقدمہ پنجاب دے دس کروڑ عوام عدالت دی عدالت وچ لے کے جانواں گے۔تے ایہدے جائز آئینی ،قانونی، جماندرو تے جمہوری حق لئی اک بھرویںعوامی تحریک چلانواںگے۔ سانوں پتا اے کہ پنجابی بِنا پنجاب نہیں پنجاب ساڈی دھرتی ماں،پنجابی ساڈی قوم پنجابی ساڈی رہتل، پنجابی ساڈی ماں بولی لہندا پنجابی زبان دا معیاری تے ترقی یافتہ لہجہ ہے جہنوں پنجاب دی تعلیمی،سرکاری،دفتری ،عدالتی تے کاروہار دی زبان بنایا جا سکدا اے ۔پنجابی دنیا دی بارہویں وڈی زبان اے۔جے اینوں سرکاری سرپرستی حاصل ہووے تے اینے سپینش،فرینچ تے عربی نوں بہت پچھاں چھڈ دینا اے تے بڑا سوکھا دنیا دی چوتھی یا پنجویں سبھ توں وڈی تے مقبول زبان بن جانا اے۔ویلا میرا آکھیا سچ ثابت کریسی۔ بلھیا عاشق ہویوں رب دا ،ملامت ہوئی لاکھ تینوں کافر کافر آکھدے ،توں آہو آہو آکھ پنجاب وچ ماں بولی دا لاگو ہوناساڈا جماندرو آئینی،اخلاقی تے قانونی حق ہے ،پنجابی حق ہے،پنجابی ویلے داسچ ہے ،پنجابی مقدر ہے پنجابی پنجاب دی زندگی دی ضمانت اے۔ماں بولی اساڈا جیون ہے۔ آون والیاں پنجابی نسلاں دا کل ہے۔پنجابی زبان دی تحریک ہن کدرے رکن نہیں لگی اگانہہ توں اگانہہ ودھے گی تے اپنے منزل اُتے اپڑ کے ہی ڈیرے لاویگی ۔ بلھے شاہ اساں مرنا ناہی گور پیا کوئی ہور اسیں اپنا حق مانگدے آں کہ پنجابی نوں پنجاب دی مڈھلی تعلیمی ،سرکاری تے عدالتی زبان بناؤ، اکثریتی زبان پنجابی دے خلاف ریاست لسانی دہشت گردی بند کرے ، پنجابی نوں پنجاب وچ اِیہدا آئینی،قانونی،اخلاقی تے جماندرُو حق دیو، غاصب ریاست پنجاب نوںاِیہدی زبان واپس کرے۔ ساری دنیا وچ نِراپنجاب ای اک اجیہا علاقہ اے جتھے غاصب ریاست نے دس کروڑ، دی آبادی والے پنجاب دے بالاں اُتے اپنی ماںبولی وچ مڈھلی تعلیم دین اُتے سرکاری پابندی لا رکھی اے۔ پنجابی نوں ایہدا حق دیو۔پنجاب وچ ماں بولی وچ مُڈھلی تعلیم دین اُتے لگی سرکاری پابندی ختم کیتی جاوے ۔
چوہدری نظیر کہوٹ
موڈھی ،کنوینز،چیف آرگنائیز
پنجابی لینگوئج موومنٹ (پنجابی زبان تحریک )
نوٹ :پنجابی لینگوئج موومنٹ دے کنوینر چوہدری نظیر کہوٹ نے جمعہ31 دسمبر2010 نوں شام چار وجے لہور پریس کلب وچ اپنی پریس کانفرنس وچ پنجابی زبان تحریک دا ایہ پروگروم،منگاں تے ایجنڈا پیش کیتا۔
Punjabi`s status as official language sought
https://www.dawn.com/news/595259/punjabis-status-as-official-language-sought